| e-texts navigator |
| Wylie |
68b1 པར་གྱུར་ཏོ།། དེ་ནས་ཡང་གཙོ་བོ་ཡབ་ཡུམ་ལ་སོགས་པ་རྣམས། གསང་བ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་གྱུར་ཏེ་བདེ་བའི་རོལ་པ་མཛད་ནས། གཉིས་སུ་མེད་པའི་བྱང་ཆུབ་སེམས་བདེ
68b2 བཔབ་ཆེན་པོའི་དགའ་བ་ཉམས་སུ་མྱོང་ནས། བུམ་པ་ཆུས་གང་བ་བཞིན་དུ་བྱང་ཆུབ་ཀྱི་སེམས་ཀྱིས་ནམ་མཁའ་ཐམས་ཅད་དཀར་ལྡེམ་གྱིས་གང་བར་གྱུར་ཏོ།། དེ་དག་སླར་རང་རང་གི་བདེ་བའི་གནས་སུ་ཐིམ་སྟེ།
68b3 རང་རང་གི་བྱང་ཆུབ་སེམས་བདེ་བ་འདི་གསུངས་སོ།། ཨེ་མ་ཧོ་རང་བྱུང་བདེ་བ་ཆེན་པོའི་དོན།། ཕུར་པ་བྱང་སེམས་ཆེན་པོ་སྟེ།། སྣང་བ་མ་ལུས་ཐམས་ཅད་སེམས།། ཐམས་ཅད་དེ་ལས་མ་གཡོས་པས།། བྱང་ཆུབ
68b4 སེམས་ནི་ངེས་པར་འགྲུབ།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས་གླེང་གཞི་དང་ཕུར་བུ་ངེས་པར་བཀོད་པའི་ལེའུ་སྟེ་དང་པོའོ།། །། དེ་ནས་ཕྲིན་ལས
68b5 ཀྱི་བདག་པོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀི་ལི་ཡ་ལ་འདི་སྐད་ཅེས་གསོལ་ཏོ།། ཨེ་མ་ཧོ།། རང་བྱུང་ཕུར་བུའི་དོན་བསྟན་པ།། འདི་ནི་རབ་ཏུ་ངེས་པ་སྟེ།། འདི་ལ་ཐ་སྙད་ལས་བཏགས་པའི།། ཕུར་པ
68b6 ངེས་པ་དུ་རུ་བཤད།། ཅེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། ཕུར་པའི་རྣམ་གྲངས་རྣམ་པར་ངེས་པ་གསལ་བར་འབྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས
iiif viewer powered by OpenSeadragon
