| e-texts navigator |
| Wylie |
68a1 རང་བྱུང་གི་ཕུར་པ་བདེ་བ་ཆེན་པོའི་དོན་རབ་ཏུ་རྟོགས་ཏེ་རང་རང་གི་དོན་གོ་བ་ཆེན་པོ་རྙེད་པར་གྱུར་ཏོ།། དེ་ནས་སྲས་མཆོག་རྣམ་པ་ལྔས། རྟོགས་པའི་དོན་འདི་གསུངས་སོ།། ཨ་ཧོ་རང་བྱུང་ཕུར་པ
68a2 ཡེ་ཤེས་ལྔར།། གྲུབ་པའི་དོན་ཤེས་བྱང་སེམས་འདི།། ཡེ་ནས་ཡེ་ཤེས་ལྔར་གནས་ཕྱིར།། ཕུར་པ་ཐམས་ཅད་འདི་རུ་ངེས།། ཞེས་གསུངས་སོ།། དེ་ནས་ཧཱུཾ་ཀཱ་ར་ལ་སོགས་པ་ཡབ་ཡུམ་གྱིས་རྟོགས་པ་དོན་གོ་བ་འདི
68a3 གསུངས་སོ།། ཨ་ཧོ་གཉིས་མེད་ཕུར་པ་ཆེན་པོའི་དོན།། རོལ་པའི་སྟོབས་ཀློང་ཕྱོགས་བཅུར་ནི།། ཕུར་པ་ཐམས་ཅད་འདིར་འདུས་པས།། བྱང་ཆུབ་སེམས་ཀྱི་ཕུར་འདིར་ངེས།། ཞེས་གསུངས་སོ།། དེ་ནས་ཕག
68a4 མགོ་ཅན་ལ་སོགས་པའི་ཕྲ་མེན་མ་རྣམས་ཀྱིས་རྟོགས་དོན་འདི་གསུངས་སོ།། ཨ་ཧོ་ཕུར་པ་མ་འགགས་ཆེན་པོའི་དོན།། བྱང་ཆུབ་སེམས་ནི་ཉི་ཤུ་རུ།། མ་ལུས་འདུས་པ་ཆེན་པོའི་དོན།། བྱང་སེམས་ཕུར་པ་འདི
68a5 ངེས་སོ།། ཞེས་གསུངས་སོ།། དེ་ནས་ཀརྨ་ཧེ་རུ་ཀས། རང་གིས་རྟོགས་པའི་གོ་བ་འདི་གསུངས་སོ།། ཕུར་པ་དག་པ་ཆེན་པོ་རྣམས།། མ་ལུས་ཕྲིན་ལས་མཛད་པ་ཡིས།། བྱང་ཆུབ་སེམས་སུ་རབ་འདུས་པས།། རྡོ་རྗེ
68a6 ཕྲིན་ལས་འདི་ངེས་པའོ།། ཞེས་གསུངས་སོ།། དེ་ནས་འཁོར་དྲེགས་པ་ཅན་མང་པོས་རང་བྱུང་གི་དོན་ངེས་པར་རིག་ནས། གཞི་ཇི་བཞིན་པའི་ཕུར་བུ་ལ། བློ་ཇི་བཞིན་པའི་དོན་གཞག་ཐབས་ངེས་པར་རབ་ཏུ་ཤེས
iiif viewer powered by OpenSeadragon
