| e-texts navigator |
| Wylie |
67b1 ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྐུའི་གནས་རྣམ་པ་ལྔ་ནས་འོད་ཟེར་ཁ་དོག་རྣམ་པ་ལྔ་བྱུང་སྟེ། ཡེ་ཤེས་གསལ་བ་ཞེས་བྱ་བར་ཕྱོགས་བཅུ་མ་ལུས་མི་ལུས་ཤིང་། ལུས་པར་མི་འགྱུར་བའི་འཇིག
67b2 རྟེན་ཐམས་ཅད་དུ་ཁྱབ་པར་གྱུར་ཏེ། འོད་དེས་འགྲོ་བ་རིགས་དྲུག་གི་ཉོན་མོངས་པ་ཐམས་ཅད་དག་པར་མཛད་དེ། དེ་དག་པས་ཕུར་པ་གཉིས་མེད་ངེས་པ་ཞེས་བྱ་བར་གསལ་བར་གྱུར་ཏོ།། དེ་དག་སླར་འདུས
67b3 པས་སྐུ་ཐམས་ཅད་ཤིན་ཏུ་ཡང་དག་པར་རྫོགས་པར་མཛད་དེ། ཡེ་ཤེས་མ་འགོགས་པ་མ་འདྲེས་པ་ཡོངས་སུ་རྫོགས་པར་མཛད་ནས་སླར་ཉིད་ཀྱི་ཐུགས་ཀར་ཐིམ་མོ།། འཁོར་རྣམས་ཀྱིས་ཀྱང་ཡེ་ཤེས་གཉིས་མེད
67b4 དག་པ་ཕུར་པ་བདེ་བ་ཆེན་པོ་ཞེས་བྱ་བའི་དོན་རྟོགས་པར་གྱུར་ཏོ།། དེ་ནས་བཅོམ་ལྡན་འདས་བཛྲ་ཀི་ལ་ཡས། རང་བྱུང་གི་ཕུར་པའི་དོན་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སེམས་ཅན
67b5 མ་རིག་པའི་དོན་དུ་ཉིད་ཀྱི་སྐུ་གསུང་ཟུགས་རྡོ་རྗེ་ལས་རྡོ་རྗེ་བདེ་བའི་ཚིག་འདི་གསུངས་སོ།། ཨ་ཧོ་བདེ་བ་ཡེ་དག་པའི།། རང་བྱུང་ཕུར་པའི་ངེས་དོན་འདི།། ཐུན་མོངས་མ་ཡིན་ཡེ་དག་པའི།། རྡོ་རྗེ་གཞོན་ནུ
67b6 བདག་ལ་གསལ།། དབྱིངས་དང་ཡེ་ཤེས་ཕུར་བུ་འདི།། གཉིས་སུ་མེད་པ་བདེ་བའི་ཕུར།། ཡེ་ནས་དག་པའི་ཀློང་དཀྱིལ་ན།། མ་འདྲེས་དག་ལས་སོ་སོར་གསལ།། ཞེས་གསུངས་སོ།། དེ་ནས་འཁོར་རྣམས་ཀྱིས
iiif viewer powered by OpenSeadragon
