| e-texts navigator |
| Wylie |
65a1 ནི།། སླར་ཡང་དེ་བཞིན་ཉིད་ལ་ཐིམ།། རླུང་གིས་གཡོ་བར་བྱེད་པ་ཉིད།། རླུང་གཡོས་ཆུ་དང་སྤྲིན་ལས་ཀྱང་།། སེམས་ཅན་ཀུན་གྱི་དོན་ལ་གཡོ།། ནམ་མཁའ་གོ་འབྱེད་ཀུན་ལ་ཁྱབ།། ཆོ་འཕྲུལ་དམ
65a2 པའི་དབྱིངས་ལ་ཐིམ།། ལོག་ལྟ་འཇོམས་བྱེད་དོན་ལ་སྤྱོད།། ཡང་དག་དོན་ལ་སྤྱོད་པ་གྱིས།། ཉི་མས་མུན་སེལ་རྣམ་རྟོག་ཐིམ།། ཉི་མས་མུན་སེལ་འཇོམས་བྱེད་ཅིང་།། མཚན་མའི་རྣམ་པར་རྟོག་པ་རྣམས།། ཡེ
65a3 ཤེས་དབྱིངས་ཀྱི་ངང་དུ་ཐིམ།། ཟླ་བ་ཆུ་ཤེལ་གྲུབ་པ་ཉིད།། ཟླ་བ་དུག་གསུམ་གདུང་བ་སེལ།། ཉི་ཤུ་ཉེ་བའི་ཉོན་མོངས་རྣམས།། དབྱིངས་ལས་མ་འདས་ཐིག་ལེ་ཉིད།། དེ་བཞིན་རེ་སྐོང་སྐུར་སྣང་ཡང་།། རིན་ཆེན
65a4 དགོས་འདོད་རེ་བ་སྐོང་།། གདུལ་བྱའི་དོན་དུ་སྐུར་སྣང་ཡང་།། ཡང་དག་དབྱིངས་ལས་མ་གཡོས་སོ།། དཔག་བསམ་ཤིང་གིས་དོན་རྣམས་འགྲུབ།། ཡང་དག་དོན་ལ་གང་དམིགས་པ།། དོན་དམ་མྱུར་དུ་རྟོགས་པར
65a5 འགྱུར།། པདྨ་མི་སྤང་འདམ་མི་ཆགས།། པདྨ་སྐྱོན་གྱིས་མ་གོས་ཏེ།། འཁོར་བ་མི་སྤང་འདམ་མི་ཆགས།། ཡོད་མེད་གཉིས་སུ་མི་གནས་ཤིང་།། དབྱེར་མེད་བག་ནས་ཡང་དག་ལྟ།། ནམ་མཁའ་ས་ཆུ་མི་གནས
65a6 པའི།། ཚད་མེད་བཞི་ལ་གནས་ནས་ཀྱང་།། ཕྱག་རྒྱ་བཞི་རྫོགས་ཐིག་ལེ་གཅིག། ཡང་དག་དོན་དང་ལྡན་གྱུར་ན།། ཐིག་ལེ་ཉག་གཅིག་བརྗོད་དང་བྲལ།། ཨེ་མ་ཧོ།། སེམས་ཅན་ཐམ་ཅད་བུདྡྷ་ཡང་།། གློ་བུར་དྲི
iiif viewer powered by OpenSeadragon
