| e-texts navigator |
| Wylie |
60a1 གདུག་པ་སྲེག། ཕྱོགས་བཅུར་སྤྲུལ་པ་འགྱེད་ལ་བསྟོད།། ཧཱུཾ་དྲོད་དང་གཤེར་ལས་སྐྲ་འཁྲུངས་པ།། ཞལ་གཅིག་ཕྱག་གཉིས་སྒོ་བ་བཞི།། སྱཱ་ཀ་པུ་ཤུད་སྲིན་བྱ་ཁྲ།། མགོ་བརྙན་ཞལ་གཅིག་ཕྱག
60a2 གཉིས་མ།། ཕྲིན་ལས་འགུགས་འཆིང་སྡོམ་པ་དང་།། མྱོས་ཤིང་མཉེས་པའི་ལས་མཛད་མ།། ལྕགས་ཀྱུ་ཞགས་པ་ལྕགས་སྒྲོག་དྲིལ།། ཕུར་པ་འདེབས་པའི་ལས་མཛད་ཅིང་།། དཀར་སེར་དམར་ལྗང་ཁྲོ
60a3 མོའི་སྐུ།། ཞལ་ལས་ཛཿཧཱུཾ་བཾ་ཧོའི་སྔགས།། འབྲུག་སྒྲ་ཆེན་པོ་ཕྱོགས་བཞིར་སྒྲོགས།། དགྲ་བགེགས་གནས་སུ་སྒྲོལ་ལ་བསྟོད།། ཧཱུཾ་ཐུགས་ཀ་དཔལ་བེའུ་དཀྱིལ་འཁོར་ནས།། སྒོ་གཅིག་རིན་ཆེན་གཞལ
60a4 ཡས་ཁང་།། བདེ་སྟོང་དབྱེར་མེད་ངང་ཉིད་ལས།། ཆོས་ཀྱི་སྐུ་ལས་ལོངས་སྐུ་ཤར།། པདྨ་ཟླ་བའི་གདན་ལ་བཞུགས།། སྐྱོན་གྱིས་མ་གོས་གཏི་མུག་སེལ།། ཡབ་ཡུམ་གཉིས་མེད་ཟག་མེད་སྐུ།། སྐུ་མདོག
60a5 དཀར་གསལ་རྣམ་དག་དབྱིངས།། རྡོ་རྗེ་དྲིལ་བུ་ཕྱག་ན་བསྣམས།། ཤེས་རབ་བྱང་ཆུབ་སེམས་དང་ལྡན།། རྟོག་མེད་མི་འགྱུར་སྐྱིལ་ཀྲུང་བཞུགས།། མཁའ་དབྱིངས་བདེ་ཆེན་སྐུ་ལ་བསྟོད།། ཁྲག་འཐུང་ལྔ
60a6 ནི་དབྱིངས་ལ་ཐིམ།། ཡོན་ཏན་རྒྱ་མཚོ་ལྟ་བུ་ལ།། ཆུ་ཐིགས་ཙམ་གཅིག་བསྟོད་གྱུར་པས།། བདུད་རྩི་ལོག་འདྲེན་ནད་མེད་ཅིང་།། དངོས་གྲུབ་ཐམས་ཅད་ཐོབ་པར་འགྱུར།། ཐིག་ལེ་ཉག་གཅིག་དེས་ཐོབ་པོ།།
iiif viewer powered by OpenSeadragon
