| e-texts navigator |
| Wylie |
57b1 གྱུར་ན།། ནམ་མཁའ་ཉིད་ལ་འཕུར་བར་འགྱུར།། རིལ་བུ་དེ་ཉིད་རྟག་ཏུ་ཟོས།། ནད་རྣམ་འཇོམས་ཤིང་བགེགས་རྣམས་མེད།། བདེ་ཆེན་ཉིད་ལ་ལོངས་སྤྱོད་ཅིང་།། བདག་གཞན་བདེ་བས་ཁྱབ་པར་འགྱུར།། ཕུར
57b2 པ་ཐོགས་ཤིང་རིལ་བུ་ལ།། ཨཱ་ཡུརྫྫ་ན་འབུམ་བཟླས་ན།། ཟོས་པས་ཚེ་ཡི་རིག་འཛིན་འགྱུར།། དེ་བཞིན་ཉིད་ལ་བྱས་ནས་སྤྱོད།། རིལ་བུས་དབང་པོ་རབ་སྦྱར་ཅིང་།། ཁྲག་འཐུང་ལྔ་དང་ལྡན་པ་ཡིས།། མངོན་ཤེས
57b3 ལྔ་པོ་རྒྱུད་ལ་སྐྱེ།། ཕུར་པ་ལྷ་མིས་འགྲུབ་པར་འགྱུར།། ཧེ་རུ་ཀ་ཡི་ཞལ་མཐོང་འགྱུར།། སྐུ་གསུམ་མྱུར་དུ་འགྲུབ་པར་འགྱུར།། སྐུ་གསུམ་ཞིང་དང་སྐུ་གསུམ་ལམ།། འབྲས་བུ་མཐར་ཕྱིན་ཡོངས་སུ་རྫོགས།། སེར་བ
57b4 གཅོད་ཅིང་འབེབས་པ་དང་།། ཆར་པ་བཅད་འབེབས་ལས་རྣམས་ཀུན། ཕུར་པ་འདི་ཡིས་འགྲུབ་པར་འགྱུར།། སྲོག་ཆགས་འབྲུ་ལ་གནོད་པ་ཡང་།། ཕུར་པ་འདི་ཡིས་གནོད་པ་འཇོམས།། ནད་དང་གདོན་གྱིས
57b5 གནོད་པ་ཡང་།། ཕུར་པ་འདི་ཡིས་སྲུང་བར་བྱེད།། ཚེ་ཟུང་བ་ཡང་ཚེ་རིང་འགྱུར།། མེ་སྟག་སེང་གེའི་འཇིགས་པ་དང་།། སྦྲུལ་གདུག་གླང་ཆེན་སྨྱོན་པ་དང་།། དྲེད་མོ་མེ་དང་ཆུར་བཅས་རྣམས།། ཕུར་པ་འདི་ཡིས
57b6 འབིགས་པ་སེལ།། མཛེ་ཡི་ནད་འཇོམས་ཀླུ་དུག་སེལ།། ལས་རྣམས་ཐམས་ཅད་འགྲུབ་པར་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཕུར་པ་དང་བདུད་རྩི་ལྔ་ལས་ཐམས
iiif viewer powered by OpenSeadragon
