| e-texts navigator |
| Wylie |
55b1 བཅུའི་ཁྲོ་བོའི་དཀྱིལ་འཁོར་རྣམས།། མེ་ལྷའི་སྙིང་གར་རྫོགས་པར་བསྐྱེད།། ཏིང་འཛིན་བརྟན་པས་འགྲུབ་པར་འགྱུར།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། སརྦ་བིགྷྣཱན་བཾ་ཧཱུཾ་ཕཊ། ལས་རྣམས་སྔགས་ཀྱིས་འགྲུབ
55b2 པར་འགྱུར།། ཞི་རྒྱས་དབང་དྲག་བསྐྲད་པ་དང་།། དབྱེ་བ་རེངས་པ་རྨོངས་བྱེད་ཅིང་།། འགུགས་པ་ལ་སོགས་དཔག་ཏུ་མེད།། སྦྱིན་སྲེག་གིས་ནི་ཐམས་ཅད་འགྲུབ།། དམ་ཚིག་ཉམས་པ་བསྐོང་འགྱུར
55b3 ཅིང་།། མཚམས་མེད་ལྔ་ཡི་སྡིག་བྱས་པ།། འདི་ཡི་དག་པར་འགྱུར་བ་ཡིན།། ཕྲིན་ལས་མཐར་ཕྱིན་སྦྱིན་སྲེག་སྟེ།། ཁྲོ་བོའི་རྒྱལ་པོ་གཞོན་ནུ་ཡིས།། ཁྲོ་བོ་རྣམས་ཀྱི་མཚན་ཉིད་ཀྱང་།། དཔག་ཏུ་མེད་ཅིང་བརྗོད་དུ
55b4 མེད།། ཡབ་ཡུམ་སྲས་སུ་སྣང་བ་ཡང་།། ཆོས་ཀྱི་སྐུ་ལས་ཡེ་མ་འདས།། སེམས་ཀྱི་རང་བཞིན་ཅིར་སྣང་ཡང་།། དཔེར་ན་ནམ་མཁའི་འཇའ་ཚོན་བཞིན།། ཐོག་མ་ཐ་མ་སྐྱེ་འགག་མེད།། རྒྱལ་བའི་དབང་པོ་ཉིད་ཐོབ
55b5 འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། སྦྱིན་སྲེག་གི་ལེའུ་སྟེ་བཅུ་གཅིག་པའོ།། །།
55b6 དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་དངོས་གྲུབ་སྩོལ།། བདེ་གཤེགས་སྲས་ཀྱི་དངོས་གྲུབ་རྣམས།། སྒྲུབ་པའི་ཐབས་ནི་ཇི་ལྟར་ལགས།། བཅོམ་ལྡན་འདས
iiif viewer powered by OpenSeadragon
