| e-texts navigator |
| Wylie |
53a1 དངོས་གྲུབ་སྩོལ།། ལྷ་ཡི་སྐུ་རྣམས་གཡོ་འགུལ་ཡིག་འབྲུ་སྒྲ།། ཐུགས་ནི་ལྡིང་འཕྱོ་གོས་འོད་མེ།། བདུད་རྩི་བཟའ་བཏུང་གོས་རྣམས་ཀྱང་།། དུ་བ་འཇའ་དང་མེ་དང་འཚག། མདངས་རྣམས་གསལ
53a2 ན་དངོས་གྲུབ་ཐོབ།། ཕྲིན་ལས་བཞི་དང་གྲུབ་པ་བརྒྱད།། མཁའ་སྤྱོད་གནས་སུ་མྱུར་དུ་འགྲོ།། རྡོ་རྗེ་མེ་ལྕེ་གསུམ་ལྡན་ཞིང་།། མི་ནས་ཡེ་ཤེས་སྐུར་འགྱུར་ཞིང་།། ཐིག་ལེ་ཉག་གཅིག་མྱུར་དུ་ཐོབ།། དཔལ་རྡོ་རྗེ
53a3 གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཚེ་དང་དངོས་གྲུབ་བླང་བའི་ལེའུ་སྟེ་བརྒྱད་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། གདུག་པ་འདུལ
53a4 བའི་བཅོམ་ལྡན་འདས།། བར་ཆོད་ཐམས་ཅད་གནོན་པའི་ཐབས།། དེ་ནི་གང་ལགས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། བསྒྲལ་བའི་ཞིང་ནི་དགྲ་དང་ནི།། བར་དུ་གཅོད་པའི་བགེགས
53a5 ཆེན་ལ།། དཀྱིལ་འཁོར་ལྷོ་ནུབ་སྲིན་པོའི་སར།། གྲུ་གསུམ་རིམ་གསུམ་ནག་པོར་བྱ།། རྣམ་ལྔའི་ལིངྒ་འཁོར་ལོར་ལྡན།། འཁོར་ལོ་རྩིབས་དྲུག་མུ་ཁྱུད་ལྡན།། ལིངྒ་འཁོར་ལོའི་ལྟོ་བར་སྦྱར།། རྒྱུ་མ་ཆེན་པོས་རབ་ཏུ
53a6 བསྡམ།། རས་སྐུད་ཁ་དོག་ལྔ་ཡིས་བཅིང་།། རྣམ་ལྔ་དུར་ཁྲོད་བགེགས་ཀྱི་ཤུལ།། གནོད་པའི་ལིངྒ་དེ་རུ་སྦྱར།། བསམ་གཏན་རྩེ་གཅིག་ཡིད་ཀྱིས་འགྲུབ།། སྔགས་ཀྱི་གྲངས་ནི་ཁྲི་ཚོ་གཅིག། འགྲུབ་འགྱུར་འདི
iiif viewer powered by OpenSeadragon
