| e-texts navigator |
| Wylie |
46a1 ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ
46a2 སྩོལ།། ཨཱིཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྫྫ་ན་ཙིཏྟ་བྷྲཱུཾ། ཧཱུཾ་དབུས་ནས་རང་བྱུང་གྲུབ་པའི་ལྷ།། དཔལ་ཆེན་རྡོ་རྗེ་གཞོན་ནུ་ནི།། ཞལ་གསུམ་ཕྱག་དྲུག་ཞབས་བཞི་བགྲད།། གར་དགུའི་རོལ་པས་གནས་མཛད
46a3 ཅིང་།། འཁོར་ལོ་རྒྱས་འདེབས་ཡུམ་ལ་འཁྱུད།། ཡབ་ཡུམ་གཉིས་མེད་སྦྱོར་བའི་རྫས།། དུས་གསུམ་བྷུདྡྷ་རབ་མཆོད་ནས།། བྱང་ཆུབ་སེམས་ཀྱི་ཐིག་ལེ་ལས།། མུ་ཏིག་ཁུ་འཕང་དབབ་ཏུ་གསོལ།། ཚེ་བུམ་འདི་ལ
46a4 བྱིན་གྱིས་རློབས།། ཚེ་བུམ་འདི་ལ་རྟགས་ཕྱུང་ཞིག། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ་སྩོལ།། ཨཱིཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ།། ཨཱ་ཡུརྞྞ་ན་ཨཱ་ཀཪྵ་ཛཿ། ཨཽ་རུ་ལུ་རུ་ལུ་ཧཱུཾ་བྷྱོ
46a5 ཧཱུཾ། ཨོཾ་ཨཱཿཧཱུཾ། སྒྲོལ་ཡུམ་ཨེ་ཀ་ཙ་ཏི་མ།། ཆོས་ཀྱི་དབྱིངས་ཀྱི་མཁའ་འགྲོ་ཡུམ།། ཁྲག་འཐུང་ལྷ་ཚོགས་མཉེས་བྱེད་མ།། བྷཱུདྡྷ་ཀུན་དང་མཉམ་སྦྱོར་ལ།། བདེ་འོད་ཉི་མའི་གཟི་བརྗིད་ཀྱིས།། མཁའ་འགྲོ་ཐམས་ཅད
46a6 དབང་བསྡུས་ནས།། བྱང་ཆུབ་སེམས་ཀྱི་ཐིག་ལེ་ནི།། མུ་ཏིག་ཁུ་འཕང་དབབ་ཏུ་གསོལ།། ཚེ་བུམ་འདི་ལ་བྱིན་གྱིས་རླབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ
iiif viewer powered by OpenSeadragon
