| e-texts navigator |
| Wylie |
43b1 པས་དངོས་གྲུབ་མྱུར་དུ་ཐོབ།། ཤཱནྟིང་ཀུ་རུ་སཱ་ཧཱ། པུཥྚིང་ཀུ་རུ་ཨཽ། ཝ་ཤང་ཀུ་རུ་ཧོ། མཱ་ར་ཡ་ཕཊ། ལིངྒ་ཉིད་ལ་མངོན་པར་བསྒྲུབ། བདུན་འབུམ་གྲངས་ཀྱི་འགྲུབ་པར་འགྱུར།། འགུལ་དང་འཕྲོ་དང་འཚེག་པ
43b2 འབྱུང་།། གྲུབ་ནས་སོ་སོའི་ལས་ལ་སྦྱར།། དགྲ་དང་བགེགས་དང་ནད་ཞི་དང་།། ཚེ་དང་ལོངས་སྤྱོད་རྒྱས་པར་འགྱུར།། འདི་ནས་ཕྱི་མར་བསྒྲལ་བ་དང་།། བླ་མེད་ལྔ་རུ་བསྒྲལ་བར་བྱ།། འདི་བསྒྲལ་བསོད་ནམས
43b3 དཔག་ཏུ་མེད།། རྡོ་རྗེ་འཛིན་པ་ཀུ་མཱ་རའི།། དངོས་གྲུབ་ཐམས་ཅད་མྱུར་དུ་འགྲུབ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཕུར་པས་ཕྲིན་ལས་བཞི་འགྲུབ་པ་སྟེ་ལེའུ་བདུན
43b4 པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཐུགས་རྗེ་བྱམས་མགོན་བཅོམ་ལྡན་འདས།། ཚེ་ཡི་རིག་འཛིན་ཇི་ལྟར་སྒྲུབ།། བསྒྲུབ་པའི་དངོས་གྲུབ་ཇི་ལྟར
43b5 བླངས།། མགོན་མཛད་ཁྱོད་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། དེ་ཡང་སྒྲུབ་པའི་དངོས་གྲུབ་ནི།། ང་ཡིས་བཤད་ཀྱིས་ལེགས་པར་ཉོན།། ཚེ་ནི་རྣམ་པ་གསུམ་ཡིན་ཏེ།། མི་འགྱུར་མི
43b6 འཕྲོག་རྡོ་རྗེའི་ཚེ།། ཉམས་ཤིང་འཕོ་བ་ཐིག་ལེའི་ཚེ།། འཁྲུལ་ཞིང་རྟོག་པ་སྣང་བའི་ཚེ།། ཉམས་ཤིང་འཕོ་བ་ཆེའི་རང་བཞིན།། ཉམས་པའི་རྒྱུ་ནི་འདི་ལྟར་ཏེ།། དམ་ཉམས་བཞིན་འགྱུར་སྤྱོད་ལམ་ཉམས།། དམ
iiif viewer powered by OpenSeadragon
