| e-texts navigator |
| Wylie |
43a1 གསུམ་པ་ཡི་སེམས་ཅན་ཀུན།། བསད་པས་གྲོལ་བར་འགྱུར་བ་ཡིན།། རྟོགས་མེད་དབྱིངས་ལ་གནས་གྱུར་ན།། བསད་པས་སྡིག་གིས་མ་གོས་ཤིང་།། རིག་འཛིན་ས་ལ་མྱུར་དུ་འགྲོ།། ཟག་མེད་བདེ
43a2 སྟོང་དབྱེར་མེད་ལ།། མཁའ་འགྲོ་ཀུན་དང་ལོངས་སྤྱོད་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། རོ་སྒྲུབ་པ་སྤྱོད་པའི་ལེའུ་སྟེ་དྲུག་པའོ།། །། དེ་ནས་རྣམ་རྒྱལ་ཁྲོ་བོ
43a3 ཡིས།། བཅོམ་ལྡན་འདས་ལ་འདི་སྐད་གསོལ།། ཕྲིན་ལས་མཛད་པའི་བཅོམ་ལྡན་འདས།། ཕུར་པས་ཕྲིན་ལས་འགྲུབ་པ་ཡང་།། འགྲོ་བའི་དོན་དུ་བཤད་དུ་གསལ།། བཅོམ་ལྡན་འདས་ཀྱིས་བཀའ་སྩལ་པ།། ཕུར
43a4 པ་རྣམ་པ་བཞི་ཡིན་ཏེ།། ཆོས་ཉིད་དོན་གྱི་ཕུར་པ་དང་།། རིག་པ་ཡེ་ཤེས་ཕུར་པ་དང་།། འདུས་བྱས་རྫས་ཀྱི་ཕུར་པ་དང་།། བརྟེན་པ་ལུས་ཀྱི་ཕུར་པའོ།། འདུས་བྱས་རྫས་ཀྱི་ཕུར་པ་ནི།། དངུལ་ལམ་འོ་མ་ཅན་གྱི
43a5 ཤིང་།། ཟངས་སམ་ཙནྡན་དམར་པོའི་ཤིང་།། ལྕགས་སམ་རྐང་དང་ཚེར་མའི་ཤིང་།། གསེར་རམ་འོ་སེ་སེར་པོའི་ཤིང་།། སོར་བརྒྱད་སོར་དྲུག་བཅུ་གཉིས་དང་།། བཅུ་དྲུག་ཕུར་པའི་ཚད་ཡིན་ནོ།། ཟླུམ་དང་གྲུ་བཞི
43a6 ཟླ་གམ་དང་།། ཟུར་གསུམ་དབྱིབས་སུ་ངེས་པ་ཡིན།། གཅིག་དང་ལྷ་གྲངས་མཉམ་པའོ།། མཎྜལ་དབྱིབས་དང་ཁ་དོག་ཉིད།། གཟུངས་ཐག་ཁ་དོག་བཞི་དང་ལྡན།། གཏོར་མའི་རིགས་སུ་ངེས་པ་ཡིན།། བཟླས
iiif viewer powered by OpenSeadragon
