| e-texts navigator |
| Wylie |
42b1 སྩོལ།། གྲུབ་པ་བརྒྱད་ཀྱི་དངོས་གྲུབ་དང་།། ཕྲིན་ལས་བཞི་ཡི་དངོས་གྲུབ་སྩོལ།། འབྱོར་ལྡན་ལོངས་སྤྱོད་དངོས་གྲུབ་སྩོལ།། ཨ་ལ་ལ་ཧོ།། ས་མ་ཧོ།། ས་མ་ཡ་སྟྭཾ།། རྡོ་རྗེ་གསུམ་ལྡན་ཉིད་དུ་འགྱུར།། ཧཱུཾ་བླ་མ་རྡོ་རྗེ
42b2 སློབ་དཔོན་དང་།། ཧེ་རུ་ཀ་སོགས་ཁྲག་འཐུང་ཚོགས།། མ་མོ་མཁའ་འགྲོ་བརྟེན་པའི་ཕྱིར།། ཙིཏྟ་གསང་བའི་རྟེན་དུ་བཅངས།། མཚན་ལྡན་རྡོ་རྗེ་ཀ་པཱ་ལ།། བདུད་རྩི་ལྔ་ཡི་སྣོད་དུ་བཅངས།། ལུས་ལ་གནས་པའི
42b3 བདུད་རྩི་ལྔ།། ལྷ་རྣམས་འདུས་པའི་རྫས་སུ་བཅངས།། ཕུང་པོའི་རྐང་ལ་ཕུར་པ་སྟེ།། ཁྲོ་བོ་བཅུ་ཡི་རྟེན་དུ་བཅངས།། བརླ་ཡི་རྐང་ལ་འབུད་པའི་དུད།། ལྕང་ལོ་མཚན་དང་ལྡན་པ་ལ།། མ་མོ་མཁའ་འགྲོའི་རྟེན་དུ
42b4 བཅངས།། ལག་པ་གཡས་པ་ཧསྟ་ཡང་།། མཁའ་འགྲོ་གཡོབ་པའི་རྟེན་དུ་བཅངས།། སོག་པ་དམ་སྲི་བྲི་བའི་རྫས།། ཞིང་ལྤགས་གཡང་གཞི་བྱས་པ་ཡང་།། ཕྲ་མེན་ཉི་ཤུའི་རྟེན་དུ་བཅངས།། རྒྱུ་མའི་ཞགས་པ་འདྲེན
42b5 པ་ཡང་།། མ་མོ་བཅུ་དྲུག་བརྟེན་པའི་རྫས།། དབང་པོ་ལྔ་ཡི་མེ་ཏོག་ཀྱང་།། ཡབ་ཡུམ་གསུམ་ནི་བརྟེན་པའི་རྫས།། མཚོ་བཞི་དུམ་བུ་འཆང་བ་ཡང་།། སྒོ་བ་བཞི་ཡི་རྟེན་དུ་ཟུང་།། ཨ་ལ་ལ་ཧོ།། དུར་ཁྲོད་རོ་ལ
42b6 ལོངས་སྤྱོད་ཅིང་།། དུར་ཁྲོད་ཆས་ཀྱིས་རབ་ཏུ་བརྒྱན།། དུར་ཁྲོད་གནས་སུ་རྒྱུ་བྱ་ཞིང་།། བདུད་རྩི་ལྔ་ལ་ལོངས་སྤྱོད་ནས།། དུར་ཁྲོད་མཁའ་འགྲོ་ཀུན་དང་འགྲོགས།། འདོད་ཡོན་ལྔ་ལ་ལོངས་སྤྱོད་ཅིང་། ཁམས
iiif viewer powered by OpenSeadragon
