| e-texts navigator |
| Wylie |
39b1 ནོ།། དབབ་ལ་ཉུང་དཀར་རྒྱལ་པོ་དང་།། སྨད་དཀྲིས་རཀྟ་ཚ་བ་ཡིན།། ཚོན་སྣ་ལྔ་ཡི་བྱད་དུ་གཞུག། སྐྱོ་བ་དུག་གི་ཆུ་ཡིས་སོ།། རྡོ་རྗེ་ཐོ་བས་རྡུལ་དུ་བརླག། བསྟབ་པ་མེ་ཡི་དཀྱིལ་འཁོར་རོ།། ལྷ་དང་བྲལ་བས
39b2 དགུག་པ་དང་།། རྣམ་ཤེས་བསྟིམ་ཞིང་བྱད་དུ་གཞུག། སྦྱོར་གཞུག་རྡུལ་དུ་བརླག་པ་དང་།། ཞལ་དུ་བསྟབ་པས་དགྱེས་པར་འགྱུར།། དངོས་གྲུབ་པར་ཆོད་བྱེད་པའི་བགེགས།། གདུག་ཅིང་སྡང་སེམས་ལྡན་པ
39b3 རྣམས།། གཏོགས་ཤིག་གྲོགས་དང་ཕྲལ་བར་གྱིས།། ཕོབ་ཅིག་རྣམ་པར་གཟིར་བར་བྱོས།། ཟུང་ཞིག་རྒྱོབ་ཅིག་རྣམ་པར་ཆིངས།། རེངས་པར་ཁུག་ལ་སྦྱོར་ཆུག་ཅིག། ང་ཡི་དབང་དུ་གྱུར་ནས་ཀྱང་།། བསྒོ་བའི
39b4 བཀའ་འདི་ཉན་པར་བྱོས།། ཞལ་དུ་བསྟབ་པོ་མགུལ་དུ་བསྟིམ།། སྐུ་ཡི་གཟི་བརྗིད་རྒྱས་པར་མཛོད།། བཛྲ་ཡཀྵ་ཀྲོ་དྷ་ཁ་ཐམ་ཁ་ཟམ་ཁ་ཐ་མ། ཁཱ་ཧི་ཁཱ་ཧི་ཁཱ་ཧི། ཧཱ་ཧཱ་ཧཱ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཕུར་པ་ཉི་ཤུ་རྩ
39b5 བརྒྱད་ལ།། ཡབ་ཡུམ་གཉིས་ཀྱི་བདེན་གཉིས་ཀྱིས།། ཕྱག་རྒྱ་ཆེན་པོའི་སྐུ་རུ་གསལ།། ཛ་ཏིས་དགུག་དང་བསད་པའི་མཆོག། སྲས་ཀྱི་མཆོག་གིས་ལས་རྣམས་འགྲུབ།། ཁྲོ་བོ་ཡབ་ཡུམ་བཅུ་པོ་ཡི།། གནས་བཅུ
39b6 དྲུག་གསུམ་རྩད་ནས་གཅོད།། སྒོ་བ་བཞི་ཡིས་མཚོ་བཞི་སྐེམས།། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་འཁོར་ལོ་རབ་གྲུབ་ནས།། ཉོན་མོངས་དུག་ལྔ་རྩད་ནས་གཅོད། ཁྲག་འཐུང་རིགས་ལྔ་འདྲེས་པ་ལ།། རྡོ་རྗེ
iiif viewer powered by OpenSeadragon
