| e-texts navigator |
| Wylie |
36b1 ཧཱུཾ་ཕཊ། ཡི་གེ་དགུ་པ་སྔགས་ཀྱི་མཆོག། མ་བྱུང་འབྱུང་བའི་མི་འགྱུར་རོ།། ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུཾ་བྷྱོ་ཧཱུཾ། ཡབ་ཡུམ་གཉིས་ཀྱི་སྙིང་པོ་མཆོག། སྡིག་པ་ཐམས་ཅད་ཟད་འགྱུར
36b2 ཅིང་།། སྡུག་བསྔལ་ཐམས་ཅད་མེད་པར་བྱེད།། གདུག་པ་ཚར་གཅོད་བདུད་ལས་རྒྱལ།། བདེ་སྒྲོལ་མཁའ་མཉམ་དབྱེར་མེད་ཐོབ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ལྷ་རྣམས་བསྡུས་པའི་ཉེ་སྙིང
36b3 སྟེ།། སེམས་ཀྱི་སྡིག་པའི་སྡུག་བསྔལ་སེལ།། ལྷ་རྣམས་དབང་འགྱུར་དངོས་གྲུབ་ཐོབ།། མ་བྷྱོ་དྲ་ག་ཛ། མཁའ་འགྲོ་ཀུན་གྱི་སྲོག་འཕྲོག་སྔགས།། ཡི་གེ་མཚན་མ་མཐོང་བ་དང་།། འོད་མེ་འཚག་འཁྲོལ་མཆོད་ལྡིང
36b4 འགྱུར།། མྱུར་དུ་ལྷ་ཡི་ཞལ་མཐོང་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། བསམ་གཏན་གྱི་ལེའུ་སྟེ་བཞི་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས
36b5 ལ་འདི་སྐད་གསོལ།། གདུག་པ་ཚར་གཅོད་བཅོམ་ལྡན་འདས།། ཀླུ་ཚོགས་དབང་དུ་ཇི་ལྟར་བསྡུ།། འགྲོ་བ་རིགས་དྲུག་ཇི་ལྟར་བསྒྲལ།། ཐུགས་རྗེ་ཅན་གྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ
36b6 པ།། ང་ཡིས་བཤད་ཀྱིས་ལེགས་པར་ཉོན།། ཀླུ་དང་གཤིན་རྗེ་བདུད་ལ་སོགས།། དྲག་པོ་ཐམས་ཅད་དབང་སྡུད་ན།། གྲུ་གསུམ་དྲག་པོའི་གནས་ཉིད་དུ།། དུར་ཁྲོད་ས་ལ་དཀྱིལ་འཁོར་ནི།། གྲུ་གསུམ་མཐིང་ནག
iiif viewer powered by OpenSeadragon
