| e-texts navigator |
| Wylie |
36a1 ལས་འདའ་བྱེད་སྡིག་ཅན་རྣམས།། རྡོ་རྗེ་མེ་དཔལ་སྙིང་བསྲེག་ནས།། ལུས་ངག་རྡུལ་ཕྲན་བཞིན་དུ་རློགས།། ཁྲོ་མོ་འབར་བའི་གཏུན་ཁུང་དུ།། རྡོ་རྗེ་ཐོ་བས་བརྡུང་བྱས་ནས།། ལྷ་ཡང་རུང་སྟེ་བསྒྲལ
36a2 བར་གྱིས། ཁ་ཐཾ་ཁ་ཐཾ་ཁ་ཐཾ། ཁཱ་ཧི་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧ་ཧ་ཧ། དཔལ་ལྡན་ཁྲག་འཐུང་འཁོར་བཅས་ཀྱིས།། འགྲོ་བ་རིགས་དྲུག་སེམས་ཅན་གྱི།། དུག་གསུམ་རྩད་ནས་བཅད་པར་འགྱུར།
36a3 ཚོགས་ཀྱི་དཀྱིལ་འཁོར་རྣམ་པ་གསུམ།། མཆོད་དང་བཤགས་དང་བསྟབ་པ་བྱ།། ལྷག་མས་མཁའ་འགྲོ་མཉེས་པར་འགྱུར།། ལྷག་མ་རྣམ་པ་གཉིས་ཡིན་ཏེ།། དཔལ་གྱི་ལྷག་མ་དང་། རིག་འཛིན་གྱི་ཕུད། རིག
36a4 ཛིན་གྱི་ལྷག་མ་བསྲེས་ལ། རང་གི་ཁར་རཀྟ་དང་ཆང་བླག་ལ། རྟ་མགྲིན་གྱི་ཕྱག་རྒྱ་བཅས་ལ། རང་གི་ལྕེ་ཐོག་ཏུ་ཧྲཱིཿཛི་ལ་རྟ་མགྲིན་ཡབ་ཡུམ་ཞལ་གཅིག་ཕྱག་གཉིས་པ་དམར་པོ་པདྨ་ཐོད་ཁྲག་ཅན་དུ་བསམ
36a5 ཕྱག་རྒྱ་བྱས་ཏེ་གཏོར་མ་ཡང་། དེ་ཁོ་ན་འདྲ་བར་བསམ་ཁ་ཕྲུ་ཕྱག་རྒྱ་ནས་གཏོར་མར་བཏབ་པས། ལྕེའི་རྟ་མགྲིན་ཡབ་ཡུམ་སྦྱོར་བ་བྱས་པའི་ཐིག་ལེ་འོད་དུ་ཞུ་ཕྱག་རྒྱ་ལ་ཕོག་སྟེ། སྦྱོར་བས་གཏོར་མར་འོད་དུ་ཞུ
36a6 ནས། བདུད་རྩི་མུ་ཏིག་དཀར་པོ་ལྟ་བུར་གྱུར། དམ་ཅན་རྣམས་ཀྱིས་གསོལ་ནས་པར་ཆོད་བསལ་ལོ།། དགའ་ཞིང་སྒོ་དང་བཅས་པ་ཡིས།། གསང་སྔགས་དྲག་པོའི་སྔགས་འདི་བཟླས།། ཨོཾ་བཛྲ་ཀཱི་ལི་ཀི་ལ་ཡ
iiif viewer powered by OpenSeadragon
