| e-texts navigator |
| Wylie |
326a1 རྨོངས་རྟོགས་པའི་ཡེ་ཤེས་མངའ་འོ།། ཞེ་སྡང་རུས་པའི་མཐའ་ལ་མཆེ་བ་རྩེ་མོ་རྣོ། འདོད་ཆགས་ཁྲག་དགུ་གཞན་ལ་སྨད་དུ་ཆེ།། གཏི་མུག་ལམ་སྟོར་ཉིན་པར་རྒྱུ་མི་ཤེས།། དུག་གསུམ་འཇོམས
326a2 མཛད་གཤོག་རླབས་ཕ་ཝང་ལ།། མ་རིག་མུན་པ་སེལ་བའི་ཡེ་ཤེས་མངའ་འོ།། ཕུར་པ་ཡཀྵ་འབར་བའི་རྒྱུད་ལས། ལྷ་ཆེན་པོ་དང་གདུག་པའི་ཟ་བྱེད་བཏུལ་བའི་ལེའུ་སྟེ་གསུམ་པའོ།། །། དེ་ནས་ཡང་གསང
326a3 བའི་བདག་པོ་ལག་ན་རྡོ་རྗེ་ཡིས། བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ། ཀྱེ་བཛྲ་ཀཱི་ལ་ཡ། ལྷ་ཆེན་གདུག་པ་ཟ་བྱེད་བཏུལ་ནས་ཀྱང་།། གདུག་པའི་སྲི་ཅན་རྣམ་གསུམ་འཁྲུགས་པ་ལས།། ཐུགས་རྗེ་ཆེན་པོས
326a4 མ་ལུས་གདུལ་དུ་གསོལ། ཞེས་བརྗོད་པས། རབ་ཏུ་རྩུབ་པའི་ཚོགས་ཀྱི་དུར་ཁྲོད་ན།། ཕུང་སྲི་ཁྱི་མོ་འདོད་ཆགས་དམར་ལྕམ་ནི།། སེམས་ཅན་རྣམས་ཀྱི་སྲོག་ཟ་ཞང་། ལ་ཟ་ཞིང་། འགུགས།། དམ་སྲི་ལྟེ་ཕུར་ནག
326a5 མོ་ནི། སེམས་ཅན་རྣམས་ཀྱི་མདངས་འཕྲོག་ཅིང་སྐེམ། རྒྱས་སྲི་དུནྟིང་ནག་མོ་ནི། སེམས་ཅན་རྣམས་ལ་ནད་གཏོང་ཞིང་སྲོག་གཅོད་པར་བྱེད་པ་ལ། དེ་གསུམ་ནི་དུག་གསུམ་གྱི་མཐར་རྒྱས་ཀྱི་སྲི་ཅན་གསུམ་ཡིན
326a6 ཏེ། བཅོམ་ལྡན་འདས་བཛྲ་ཀཱི་ལ་ཡས། ཐུགས་ཀྱི་ཡི་གེ་འབྲུ་གསུམ་ཁར་བཅུག་པས། ཤྲ་ན་མ་བཞི་དང་བདག་ཉིད་མ་བཞི་དང་། རྒྱལ་མོ་བཞི་འཁྲུངས་ཏེ། བུ་མོ་བཅུ་གཉིས་པོས་ཀྱང་རང་རྟགས་སྲོག་གི་སྙིང་པོ
iiif viewer powered by OpenSeadragon
