| e-texts navigator |
| Wylie |
322a1 ལ།། ཐོད་པའི་ཕྱག་རྒྱ་རབ་ཏུ་བསྟན།། རང་རང་རྩ་སྔགས་གང་ཡིན་ལ།། བ་ལི་ཏ་ཡིས་གཏོར་མ་འབུལ།། གཤེགས་སུ་གསོལ་དང་ཕྲིན་ལས་བཅོལ།། ཡུམ་གྱི་མཁའ་འགྲོ་མཆོད་པ་ནི།། གང
322a2 ཡིན་ཐོད་པར་རྫས་བླུགས་ལ།། ཡབ་ཡུམ་གཉིས་མེད་བསྐྱེད་བྱ་ལ།། སྔགས་ཀྱི་བྱ་བ་ཀུན་ཀྱང་བྱ།། གཏོར་མ་ཨ་ལས་བྱིན་བརླབ་ནས།། མཁའ་འགྲོ་རྣམ་གསུམ་སྔགས་ཀྱིས་མཆོད།། ཕྲིན་ལས་བཅོལ་ལ་ལས
322a3 གཉེར་གཏད།། ཉི་མ་རེ་ལ་ལན་གསུམ་བཏང་།། ཅི་བསམ་ལས་རྣམས་གྲུབ་པར་འགྱུར།། རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལས། དམ་ཚིག་སྔགས་ཀྱི་ལེའུ་སྟེ་བདུན་པའོ།། །། དེ་ནས་རྒྱུད་གཏད་པ་རབ
322a4 ཏུ་གསུང་ཏེ། སངས་རྒྱས་ཀུན་གྱིས་སྤྱི་མེས་ནི།། ཀུན་ཏུ་བཟང་པོ་ང་ཡིན་ཏེ།། སོ་སོར་སྟོན་པས་གསུངས་པ་བཞིན།། སྡུད་པོ་རྣམས་ཀྱིས་རབ་བསྡུས་ནས།། སངས་རྒྱས་ཀུན་གྱི་སྤྱི་མེས་ངས།། རིག་ཅན་སྐྱེས་བུ
322a5 ཁྱོད་ལ་གཏད།། གསང་སྔགས་བརྡའ་ཡིས་གོ་བར་གྱིས།། ལས་དང་སྐལ་བར་ལྡན་པ་དང་།། སྦྱངས་དང་ལས་འཕྲོར་ལྡན་ན་ནི།། ཤེས་པ་རྣོ་ལ་ཐོས་པ་ཆེ།། ཐོགས་པ་མེད་པར་རྩོལ་བ་དེས།། དེས་ནི་རྒྱུད་འདི
322a6 རྟོགས་པར་འགྱུར།། རྡོ་རྗེ་ཕུར་པ་ཆེན་པོ་གཏོང་མའི་རྒྱུད་ལས་རྒྱུད་གཏད་པའི་ལེའུ་སྟེ་བརྒྱད་པའོ།། །། རྡོ་རྗེ་ཕུར་པ་ཆེན་པོ་གཏོར་མའི་རྒྱུད་རྫོགས་སོ།། །
iiif viewer powered by OpenSeadragon
