| e-texts navigator |
| Wylie |
321b1 ཞུ།། བདུད་རྩི་ཆེན་པོ་ཉིད་དུ་གྱུར།། གཡས་དང་གཡོན་དུ་བསམ་པ་ཡི།། ཧཱུཾ་དང་ཨ་ཡི་བྱིན་རླབས་ལས།། མཁྲིག་མ་སྔགས་ཀྱི་འཁོར་ལོ་ལས།། ཡབ་ཡུམ་སྦྱོར་བ་མཛད་པ་ལས།། བདུད་རྩི་ཆེན་པོ་ཉིད་དུ
321b2 གྱུར།། དེ་བཞིན་གཏོར་མ་ཉིད་ལ་ཡང་།། སྣོད་དང་བཅུད་ཞུ་ལྷ་མོ་དྲུག། ཡབ་ནི་བདུད་རྩི་ཉིད་དུ་གྱུར།། རཀྟ་ཐོད་པ་ཉིད་ལ་བསམ། སྣོད་དང་བཅུད་དུ་གྱུར་པ་ལས།། རྦ་ཀློང་འཁྲུག་ཅིང་མཚོ་ལྟར་འཁྱིལ།། ཡབ
321b3 ཡུམ་སྔགས་ལས་ཐམས་ཅད་འབྱུང་།། ཁྲོ་བོ་ཧསྟིའི་ལས་རྣམས་ནི།། རྣམ་པར་རྒྱལ་བར་ཡང་དག་བཤད།། དང་པོ་རྫས་རྣམས་ཚོགས་གྱུར་ན།། སྟོང་པ་ཉིད་ལས་རྣམ་གསུམ་གྱིས།། ཧསྟི་རབ་ཏུ་བསྒོམ་བྱས
321b4 ལ།། གཙོ་བོའི་དབུ་ཡི་གཙུག་ཏུ་བསམ།། སྔགས་ཀྱི་ཕྲིན་ལས་ཐམས་ཅད་རྫོགས།། སྔགས་རྣམས་རབ་ཏུ་དེ་ཤེས་པ།། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། སྔགས་སྟོང་ཧསྟི་ཡབ་ཀྱི་སྔགས།། ཧཱུཾ་ནི་ཧསྟི
321b5 ཡུམ་གྱི་སྔགས།། ཧ་ན་ཧསྟི་ཡབ་ཀྱི་སྔགས།། ཧ་ན་ཧསྟི་ཡུམ་གྱི་སྔགས།། ཧཱུཾ་ཕཊ་ཐམས་ཅད་ལས་ཀྱིས་སྔགས།། བསྐྱེད་པ་དང་ནི་སྤྱན་དྲངས་ལ།། མཆོད་པ་དང་ནི་བསྟོད་པ་དང་།། ཐམས་ཅད་སྔགས་སུ་ཤེས་པར
321b6 བྱ།། མཁའ་འགྲོ་ལྔ་ལ་ལས་ལྔ་ནི།། ཡང་དག་ཉིད་དུ་འབྲུ་ཉིད་སྒྲུབ།། མཁའ་འགྲོ་གསུམ་ནི་མཆོད་བྱ་སྟེ།། རིམ་པ་དོན་གྱིས་གོང་དུ་བསྟན།། ཡི་དམ་ལྷ་ལ་རབ་མཆོད་ནས།། མཁའ་འགྲོ་རྣམ་གསུམ་སྤྱན་དྲངས
iiif viewer powered by OpenSeadragon
