| e-texts navigator |
| Wylie |
31b1 སྟེང་དུ།། རྡོ་རྗེ་ཁྲོ་བོ་ཧཱུཾ་མཛད་དང་།། ཡུམ་ཆེན་རྡོ་རྗེ་སྒྲ་འབྱིན་མ།། སྤྲུལ་པ་གཡག་དང་སྨིག་བུའི་མགོ། ཤར་ཕྱོགས་དྲི་ཟའི་གདན་སྟེང་དུ།། ཁྲོ་བོ་རྡོ་རྗེ་རྣམ་པར་རྒྱལ།། ཡུམ་ཆེན་རྡོ་རྗེ་སྙེམས་མ་དང་།། སྤྲུལ་པ
31b2 སྟག་དང་བྱ་རྒོད་མགོ། ཤར་ལྷོ་མེ་ལྷའི་གདན་སྟེང་དུ།། ཁྲོ་བོ་རྡོ་རྗེ་དབྱུག་སྔོན་ཅན།། ཡུམ་ཆེན་རྡོ་རྗེ་སྡེར་མོ་དང་།། སྤྲུལ་པ་གཡག་དང་བྱ་རོག་མགོ། ལྷོ་ཕྱོགས་གཤིན་རྗེའི་གདན་སྟེང་དུ། ཁྲོ་བོ་རྡོ་རྗེ་གཤིན་རྗེའི
31b3 གཤེད།། ཡུམ་ཆེན་དུར་ཁྲོད་བདག་མོ་དང་།། སྤྲུལ་པ་ཤ་བ་འུག་པའི་མགོ། ལྷོ་ནུབ་སྲིན་པོའི་གདན་སྟེང་དུ།། ཁྲོ་བོ་ཆེན་པོ་མི་གཡོ་མགོན།། ཡུམ་ཆེན་རྡོ་རྗེ་གཏུན་ཁུང་མ།། སྤྲུལ་པ་གཟིག་དང་ཁྭ་ཏའི་མགོ། ནུབ
31b4 ཕྱོགས་ཀླུ་ཡི་གདན་སྟེང་དུ། ཁྲོ་བོ་ཆེན་པོ་རྟ་མགྲིན་རྒྱལ།། ཡུམ་ཆེན་རྡོ་རྗེ་གཏུམ་མོ་དང་།། སྤྲུལ་པ་བྱི་ལ་པུ་ཤུད་མགོ། ནུབ་བྱང་རླུང་ལྷའི་གདན་སྟེང་དུ།། ཁྲོ་བོ་ཆེན་པོ་གཞན་མི་ཐུབ།། ཡུམ་ཆེན་རྡོ་རྗེ་མདའ
31b5 སྙེམས་མ།། སྤྲུལ་པ་སྦྱང་ཀི་ཁྲ་ཡི་མགོ། བྱང་ཕྱོགས་གནོད་སྦྱིན་གདན་སྟེང་དུ།། ཁྲོ་བོ་རྡོ་རྗེ་བདུད་རྩི་འཁྱིལ།། ཡུམ་ཆེན་རྡོ་རྗེ་རླུང་འབྱིན་མ།། སྤྲུལ་པ་ཕ་ཝང་སེང་གེའི་མགོ། བྱང་ཤར་འབྱུང་པོའི་གདན
31b6 སྟེང་དུ།། ཁྲོ་བོ་རྡོ་རྗེ་ཁམས་གསུམ་རྒྱལ།། ཡུམ་ཆེན་རྡོ་རྗེ་གསོད་མ་དང་།། སྤྲུལ་པ་དོམ་དང་སྲེ་མོ་མགོ། འོག་ཕྱོགས་ས་བདག་གདན་སྟེང་དུ།། ཁྲོ་བོ་རྡོ་རྗེ་སྟོབས་པོ་ཆེ།། ཡུམ་ཆེན་རྡོ་རྗེ་བསྐྱོད་མ་དང་།། སྤྲུལ་པ
iiif viewer powered by OpenSeadragon
