| e-texts navigator |
| Wylie |
319b1 གཉིས་སུ་གདབ།། ཚོན་ལ་ཧཱུཾ་ལས་ཉིད་དུ་བསམ།། རིམ་པ་གོང་བཞིན་ཤེས་པར་བྱ།། གྲུ་གསུམ་ཟླ་གམ་མུ་ཁྱུད་དང་།། གྲུ་ཆད་སྣམ་བུ་སྒོ་བཞིར་བཅས།། དུར་ཁྲོད་སྣ་ཚོགས་ཁྲོལ་མ་བཏགས།། རྫས་རྣམས་མ
319b2 ལུས་རིམ་པར་ཡང་།། དམ་ཅན་གསུམ་གྱི་མཐུན་རྫས་བསགས།། ཏིང་འཛིན་ཆེན་པོའི་བྱིན་བརླབས་པས།། གཙོ་བོ་བསྐྱེད་དམ་མ་མོ་ནི།། གང་བྱེད་རང་སྔགས་འཁོར་བསྐྱེད་ནས།། ཐམས་ཅད་སྔགས་ཀྱིས་བྱ་བར
319b3 འདུས།། ལྷ་ལ་མཆོད་ཅིང་བསྙེན་པ་དྲང་།། ཕྱི་ནང་གསང་གསུམ་གང་བྱེད་པར།། སྔགས་ཀྱི་རིམ་པ་དེ་བཞིན་བྱ།། དྲོད་རྟགས་བརྟན་པོ་བྱུང་བ་དང་།། བསྒྲུབ་པ་དག་ཀྱང་དེ་བཞིན་བྱ།། དེ་ཡིས་གོང་འདྲ་དེ་བྱུང
319b4 ན།། ཕུར་པ་ལྔ་ནི་གདབ་བྱ་སྟེ།། སྙིང་དང་ཡན་ལག་བཞི་རྣམས་དང་།། རང་རང་ཐུན་དུ་བཅས་པ་ཡི།། ལས་རྣམས་མ་ལུས་རྫོགས་པ་དང་།། གང་ཡིན་མེ་ལ་བསྲེག་བྱས་ནས།། ལྷ་ལ་རྩ་བའི་སྔགས་ཀྱིས
319b5 འབུལ།། གང་བྱས་ཉིད་ལ་གཏོར་མ་འབུལ།། ཚེ་བསྟིམས་རིམ་པ་ལྷ་ལྔས་བྱས།། དབབ་པ་དེ་བཞིན་ཤེས་པར་གྱིས།། རྐྱང་པ་བཅུ་གཉིས་སྒྲུབ་པ་ཡང་།། གཙོ་བོ་རེ་དང་ལས་བྱེད་པ།། སྔགས་ཀྱི་བྱེ་བྲག་ཡང་དག
319b6 ལྡན།། ཟ་མ་སྙིང་པོ་རབ་ཏུ་བསྟན།། དྲེགས་པ་དབང་སྡུད་ཡང་དག་པ།། དཀར་པོ་གསུམ་གྱི་སྙིང་ཁྲག་ལ།། བརྟེན་པའི་རྫས་སུ་ཡང་དག་བསྟན།། གཙོ་བོ་ཉིད་ནི་ཡང་དག་བསམ།། འབྲུ་དགུ་སྔགས་ཀྱི་བསྙེན་པ
iiif viewer powered by OpenSeadragon
