| e-texts navigator |
| Wylie |
318b1 དང་།། འཆི་མེད་ཚེ་ཡི་དཀྱིལ་འཁོར་དང་།། དཀྱིལ་འཁོར་བཅུ་བཞི་ཡང་དག་བསྟན།། ཧཱུཾ། གྲུ་གསུམ་འབར་བའི་དཀྱིལ་འཁོར་དུ།། ཡབ་ཡུམ་དགྱེས་པའི་སྐུ་བསྐྱེད་ནས། གདུག་པ་འདུལ་ཞིང་རྔམ་པའི
318b2 ཞལ།། ཡེ་ཤེས་དྲུག་གི་ཕྱག་རྒྱ་ཅན།། ཞབས་བཞི་རྫུ་འཕྲུལ་བཞི་ཡི་ཞབས།། ཡུམ་དང་གཉིས་སུ་མེད་པར་བཞུག། ཧཱུཾ་མཛད་སྒྲ་འབྱིན་ཕག་དང་སྨིག་བུའི་མགོ། རྣམ་རྒྱལ་སྙེམས་མ་སྟག་དང་བྱ་རྒོད་མགོ། དབྱུག
318b3 སྔོན་སྡེར་མོ་གཡག་དང་བྱ་རོག་མགོ།། གཤིན་རྗེ་དུར་ཁྲོད་ཤ་བ་འུག་པའི་མགོ། མི་གཡོ་གཏུན་ཁུང་གཟིག་དང་ཁྭ་ཡི་མགོ། རྟ་མགྲིན་གཏུམ་མོ་བྱི་ལ་པུ་ཤུད་མགོ། གཞན་མིན་མདའ་སྙེམས་སྦྲང་མོ་ཁྲ་ཡི
318b4 མགོ། བདུད་རྩི་རླུང་འབྱིན་སེང་གེ་ཕ་ཝང་མགོ་ཁམས་གསུམ་གསོད་བྱེད་དྲེད་དང་སྲེ་མོའི་མགོ། སྟོབས་ཆེན་བསྐྱེད་མ་དོམ་དང་བྱི་བའི་མགོ། ཐུགས་དམ་གཉེན་པོའི་དུས་ལ་བབ། ཧཱུཾ། སྲས་ཀྱི་དམ་པར་དབང
318b5 བསྐུར་བའི།། མཐིང་ག་དཀར་བ་སྔོ་དང་དམར།། ནག་དང་ལྗང་སྔོན་སྐུ་མདོག་ཅན།། ཕུར་པ་གུ་གུལ་ལྕགས་ཀྱུ་འཛིན།། ཞགས་པ་དུག་གཏོར་ཐོ་བ་འཛིན།། གང་ཡིན་ཉམས་པ་ཕྱག་ན་བསྣམས།། སྐུ་སྟོད་ཁྲོ་བོ
318b6 ཆེན་པོ་ལ།། སྐུ་སྨད་ལྕགས་ཕུར་དཔལ་དང་ལྡན།། གྲུ་གསུམ་ཨེ་ཡི་དཀྱིལ་འཁོར་ན།། རྩེ་མོ་ལྟ་བུར་རྣམ་པར་བསམ།། ཡེ་ཤེས་དབྱིངས་ཀྱི་ཕྱག་རྒྱ་དང་།། རིག་པ་རང་རྟགས་ཕྱག་རྒྱ་དང་།། བརྒྱ་བྱིན་དཔའ་རྟགས
iiif viewer powered by OpenSeadragon
