| e-texts navigator |
| Wylie |
317b1 དཀྲི་ཤིང་རེ་བས་གཏུམ།། བྱ་བའི་ལས་རྣམས་བྱས་པ་དང་།། གང་ཡིན་གནན་པ་དག་ཏུ་གནན།། དོན་རྣམས་མ་ལུས་འགྲུབ་པར་འགྱུར།། དེ་ཡིས་འགྲོ་བ་རབ་ཏུ་མོས།། གདུག་པ་ཅན་གྱི་ཟིན་པ་ལ།། འབུམ་མམ
317b2 ལྷ་སྔགས་མང་བཟླས་ཏེ།། གང་ཡིན་བསྟན་པའི་ས་དེ་ལ།། རྩ་གསུམ་ལྕེ་ཡི་སྔགས་བཟླས་ལ།། ལྡག་ཅིང་ནད་རྣམས་ཞི་བར་འགྱུར།། འདག་པ་ཆུ་དག་གང་ཡང་རུང་།། མང་དུ་བཟླས་པས་ནད་ལ་བསླན།། ནད
317b3 རྣམས་ཐམས་ཅད་ཞི་བར་འགྱུར།། ཕན་པའི་སྨན་ལ་སྔགས་བཏབ་ལ།། གང་ཡིན་ནད་ལ་གླན་པར་བྱ།། ནང་ནུབ་དུས་གསུམ་དག་ཏུ་གདབ།། རྡོ་རྗེའི་ལྕེ་ཡི་ནད་རྣམས་ཞི།། ལྷ་ཡི་ཏིང་འཛིན་རབ་ཏུ་གསལ།། དེས
317b4 ནི་གནོད་པའི་ནད་རྣམས་བཞི།། ནད་རྣམས་མ་ལུས་ཞི་གྱུར་ན།། གནས་ལྔ་བསྲུངས་ལ་བགེགས་རྣམས་བསྐྲད།། བསྲུང་བའི་རིམ་པ་རབ་ཏུ་འབྱུང་།། ཉུང་དཀར་ཐལ་ཆེན་ལ་བསྔགས་ཏེ།། སོར་བཞི་པ་ཡི་གླང་མ
317b5 ལ།། འབྲུ་དགུ་གསུམ་སྔགས་རྣམས་བྲི་བྱ་སྟེ།། གདུག་པ་ཅན་གྱི་ཤིང་དག་ལ།། ཕུར་པ་སོར་བཞི་ཉུང་དཀར་གདགས།། ས་ཡ་དྲུག་འབུམ་མང་དུ་བཟླས།། དུས་རྣམས་ཀུན་ཏུ་སྲུང་མ་བསྐུལ།། དྲེགས་པ་མཆོད་ཅིང
317b6 ཆང་ཕུད་གཏོར།། མཐོ་བསྐོར་རྫས་རྣམས་རབ་ཏུ་སྦ།། ཉུང་དཀར་ཐལ་ཆེན་དེ་བཞིན་སྦ།། བཟླས་ཉུང་སྦྲེང་ཞིང་མཐའ་མ་བསྐོར།། དེ་བཞིན་རབ་ཏུ་བརྗོད་པར་བྱ།། བྱང་ཆུབ་སེམས་ནི་རབ་ཏུ་སྟོན།། སངས་རྒྱས
iiif viewer powered by OpenSeadragon
