| e-texts navigator |
| Wylie |
317a1 ནས་བཅོམ་ལྡན་འདས་ལས་ཐམས་ཅད་པའི་ཏིང་ངེ་འཛིན་ལ་སྙོམས་པར་ཞུགས་ནས།། ལས་ཀྱི་དོན་བསྟན་པ་འདི་ལྟ་བུ།། དང་པོ་བྱང་ཆུབ་སེམས་བསྐྱེད་དེ།། བུམ་པ་ཁ་རྒྱན་མགུལ་ཆིངས
317a2 བཅས།། སྨན་ལྔ་འབྲུ་ལྔ་རིན་ཆེན་ལྔ།། སྤོས་ལྔ་སྙིང་པོ་ལྔ་དག་དང་།། བགེགས་བསྐྲད་དྲི་ཡིས་ཡང་དག་གདུག། ལྷ་རྣམས་བསྐྱེད་པའི་རིམ་པ་ཡང་དག་བྱ།། སྤྱན་དྲངས་དབང་བསྐུར་མཆོད་པར་བསམ།། བསྐུལ
317a3 དང་འཛབ་དང་རིམ་པ་ནི།། ཉི་ཤུ་རྩ་གཅིག་སྔགས་རྣམས་ལ།། གདབ་པའི་སྔགས་ཀྱིས་ཡང་དག་བསྒྲུབས།། གཉིས་པ་བསྡུས་ཤིང་བུམ་པར་ཐིམ།། མཚན་མ་བརྟན་པོ་བྱུང་བ་དང་།། བུམ་པ་སྐུ་གསུང་ཐུགས
317a4 དབང་བསྐུར།། ཉི་ཤུ་རྩ་གཅིག་སྔགས་རྣམས་ཀྱིས།། ཅིས་ཀྱང་མི་ཚུགས་ཚེ་དབང་བསྐུར།། འཆི་མེད་ཚེ་ཡི་དབང་དང་ལྡན།། རབ་ཏུ་བརྟན་འགྱུར་དབང་དང་ལྡན།། བདུད་པོ་པདྨ་དབང་ཕྱུག་དང་།། བདུད་མོ་གར
317a5 གྱི་དབང་ཕྱུག་གཉིས།། དཔག་བསམ་ཤིང་གི་སྐེད་པ་ལ།། འདུས་བྱས་བུ་ནི་བཅུ་གཅིག་བྱུང་།། གནོད་སྦྱིན་བཅུ་གཅིག་རབ་ཏུ་གྲུབ།། འགྲོ་བ་ཀུན་གྱི་དོན་བྱའི་ཕྱིར།། ཐོད་པ་བཅུ་གཅིག་མནན་པའི་རྫས།། གནད
317a6 དུ་བསྟན་པའི་ས་རྣམས་ནི།། མི་འགྱུར་གཏན་དུ་གནན་པའི་ས།། དབུས་སུ་སྙིང་པོ་ཏྲི་རྣམས་བྲི།། འཁོར་ལོ་དྲུག་ལ་སྔགས་དྲུག་བྲི།། གནད་པའི་ལིངྒར་ཤེས་པར་བྱ།། སྤྱི་ལྟར་ཤེས་པ་རབ་ཏུ་གཅེས།། སྔོན་དམར
iiif viewer powered by OpenSeadragon
