| e-texts navigator |
| Wylie |
315b1 བཀའ་ལས་ནི།། སྡིག་ཅན་གང་ཞིག་འདའ་བྱེད་པ།། སྟོབས་ཆེན་ཁྲོ་བོ་ཆེན་པོ་ཡིས།། ཀླད་པ་ཚལ་པ་བརྒྱ་རུ་ཁོས།། ཉོན་ཅིག་བགེགས་དང་ལོག་འདྲེན་ཚོགས།། ང་ཡི་བཀའ་ལས་འདའ་མ་བྱེད།། ལས་སྔགས
315b2 མཚོན་དུ་བཅས་པས་གདབ།། དུམ་བུ་ཉིད་དུ་དེ་བཞིན་འགྱུར།། དྲག་པོ་གྲུ་གསུམ་གཏོར་མ་ལ།། དྷ་དུ་ར་ཡི་རྩ་བ་དང་།། ལུག་མིག་གྲིབ་སྐམས་བྱས་པ་དང་།། རྩ་བ་ལོ་མ་འབྲས་བུ་དང་།། ཐམས་ཅད་དུག་ཏུ་གྱུར
315b3 པ་ཀུན།། ནག་པོ་དག་ཏུ་ཡང་དག་བྱ།། བསྙེན་བསྒྲུབ་ཚུལ་དུ་བྱས་ནས་ནི།། མེ་འབར་འོད་དུ་འབྱུང་རྟགས་ནི།། རིམ་པ་བཞིན་དུ་ཡང་དག་སྦྱར།། གདུག་ཅིང་སྡང་སེམས་ལྡན་པ་རྣམས།། ལྷའམ་འོན་ཏེ་བདུད་ཀྱང
315b4 རུང་།། ང་ལ་བར་ཆད་བྱེད་པ་རྣམས།། མཐུ་དང་རྫུ་འཕྲུལ་མེད་པར་བྱོས།། ལས་སྔགས་དག་ལ་ཡང་དག་སྦྱར།། ཉོན་མོངས་འཁོར་བ་གཞོམ་པའི་ཕྱིར།། གཏན་གཏུན་མཁའ་དབྱིངས་ཡང་དག་བསམ།། རྡུངས
315b5 ཤིག་རྡོ་རྗེ་འབར་བའི་གཏུན།། བཀའ་ལས་འདའ་བྱེད་སྡིག་ཅན་རྣམས།། རྡོ་རྗེ་མེ་དཔལ་སྙིང་བསྲེགས་ནས། ཁྲོ་མོ་འབར་བའི་གཏུན་ཁུང་དུ།། རྡོ་རྗེ་ཐོ་བས་བརྡུང་བྱས་ནས།། ལྷ་ཡང་རུང་སྟེ་བརླག་པར
315b6 བྱོས།། ཁ་ཐཾ་ཁ་ཐཾ་ཁ་ཐཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧཱུཾ་ཧཱུཾ་ཕཊ་ཕཊ་ཕཊ། ཁྱད་པར་ཆེན་པོའི་གཏོར་མ་ནི།། ཤ་ཆེན་དམ་རྫས་མཆོད་པ་དང་།། སྙིང་ཁྲག་དྲོན་མོ་མ་ལུས་དང་།། ཉོན་མོངས་ལྔ་པོ་རྩད་བཅད་ཅིང་།།
iiif viewer powered by OpenSeadragon
