| e-texts navigator |
| Wylie |
30b1 གདུགས།། བ་དན་ལ་སོགས་རབ་ཏུ་མཛེས།། ཏོག་ནི་རྡོ་རྗེ་རྩེ་དགུ་པའོ།། ནང་ནི་དུར་ཁྲོད་གཞལ་ཡས་ཁང་།། ཀླུ་ཆེན་བརྒྱད་ཀྱི་ཀ་བ་ལ།། ཉི་མ་ཟླ་བ་ལྷ་ཡི་བུས།། ཀ་གདན་ཀ་གཞུ་མཛེས་པར་གནས།། ལྷ་ཆེན
30b2 བརྒྱད་ཀྱི་གདུང་ལ་ནི།། ཟླ་བའི་སྐར་ཁུང་ཡང་དག་གནས།། གཟའ་ཆེན་བརྒྱད་ཀྱི་ཕྱམ་ལ་ནི།། ཉི་མའི་མཐོངས་ཁུང་བཅུ་ཡིས་མཛེས།། ཉི་ཤུ་རྩ་བརྒྱད་རྒྱུ་སྐར་གྱིས།། གྲལ་མ་རྣམས་སུ་རབ་ཏུ་མཛེས།། ཐོད་པ
30b3 སྐམ་རློན་ར་རི་ཡིས།། ཕྱོགས་བཞིར་རྩིགས་པ་རབ་ཏུ་བྱས།། འབྱུང་པོ་བསྣོལ་བའི་མ་ཐེམས་བྱས།། ཆུ་སྲིན་ཡ་ཐེམས་ཉིད་དུ་གནས།། རོ་རློན་ལ་སོགས་སྐྱེས་བུ་ལ།། རིགས་བཞི་ཀླུ་ཡིས་སྒོ་བཞི་མཛེས།། དབུས
30b4 ཀྱི་གྲུ་གསུམ་མཐིང་ནག་ལ།། ཟླ་གམ་དམར་པོ་གསུམ་དང་ལྡན།། འཁོར་ལོ་རྩིབས་བརྒྱད་ནག་པོར་གནས།། དུར་ཁྲོད་བརྒྱད་དུ་གནས་པ་སྟེ།། མཚོ་དང་ཀླུ་དང་སྤྲིན་དང་ནི།། ཞིང་སྐྱོང་ཕྱོགས་སྐྱོང་མཆོད་རྟེན
30b5 དང་།། བྲག་དང་མེ་ཡི་རྣམ་པར་གནས།། རོ་ནི་རློན་པས་ར་རི་དང་།། ཀེང་རུས་བམ་རུལ་རྣམ་པར་འཐོར།། བྱ་གཅན་འཇིགས་པའི་མ་མོ་དང་།། སྲིད་པའི་མཁའ་འགྲོ་མང་པོ་གནས།། གཞལ་ཡས་མཛེས་ཤིང
30b6 འཇིགས་པ་དེར།། ལྷ་ནི་བརྒྱད་དང་ཉི་ཤུ་གཉིས།། དབུས་སུ་དྲུག་པ་རྡོ་རྗེ་འཛིན།། རཱ་ཏྲ་བསྣོལ་བའི་གདན་སྟེངས་ན།། པདྨ་ཉི་ཟླ་བདུད་བཞི་མནན།། དཔལ་ཆེན་རྡོ་རྗེ་གཞོན་ནུ་ནི།། སྒེག་པ་དཔའ་བ་གར་དགུ
iiif viewer powered by OpenSeadragon
