| e-texts navigator |
| Wylie |
30a1 དཀྱིལ་འཁོར་གྲུ་གསུམ་པ།། གྲུ་བཞི་མཉམ་ཞིང་འཐས་པར་བཞག། འབྱུང་ཆེན་རབ་འཇིགས་རཱུ་ཏྲ་བསྒྲལ།། དུར་ཁྲོད་དཀྱིལ་འཁོར་གཞི་ཡིན་ནོ།། རྡོ་རྗེ་ཐོད་པ་མཚན་ལྡན་ལ།། ཐིག་གདབ་དུར
30a2 ཁྲོད་ཚོན་གྱིས་བྲི།། ལྕགས་སམ་སེང་ལྡེང་རྩུབ་པའི་ཤིང་།། དྲག་པོའི་ཕུར་པ་སོར་བརྒྱད་པ།། ཡེ་ཤེས་ལྔ་ཡི་བསྙེན་པ་བརྩམ།། དུར་ཁྲོད་ཐིག་ཚོན་རབ་ལྡན་པས།། འཁོར་ལོ་རྩིབས་བརྒྱད་རབ་བྲིས་ཏེ།། ཕུར་པའི
30a3 དབྱིབས་ལ་ཁྲོ་བོར་རྫོགས།། ཏིང་འཛིན་རྫོགས་པའི་བསྙེན་པ་བརྩམ།། གྲུ་གསུམ་ཤེལ་གྱི་དཀྱིལ་འཁོར་ནི།། ཉི་ཤུ་རྩ་གཅིག་རབ་ཏུ་བྲི།། ཕུར་པ་ལྷ་ཡི་བསྒྲུབ་པ་བརྩམ།། དུར་ཁྲོད་ཐིག་ཚོན་རབ་ལྡན་པས།། དྲག
30a4 པོའི་དཀྱིལ་འཁོར་གྲུ་གསུམ་ནི།། དྲག་པོའི་ཕུར་པས་ལས་ལ་སྦྱར།། དཀྱིལ་འཁོར་བཞི་ཡིས་ལས་བཞི་འགྲུབ།། རྡོ་རྗེ་ཕུར་པའི་བསམ་གཏན་གནས།། ཁམས་གསུམ་སེམས་ཅན་བསྒྲལ་གྱུར་ན།། བསད་པ་འདི
30a5 ཡིས་མཆོག་ཐོབ་ཅིང་།། རྡོ་རྗེའི་རིགས་སུ་མངོན་འཚང་རྒྱ།། ཏིང་འཛིན་དཀྱིལ་འཁོར་རྒྱུ་ཉིད་ཀྱིས།། མཛེས་ཤིང་འཇིགས་པར་རབ་ཏུ་གནས།། ཕྱི་ནི་རིན་ཆེན་ལྔ་ལས་གྲུབ།། དབུས་སུ་ནོར་བུ་བཻ་ཌཱུརྱ།། ཤར་ནི
30a6 ཤེལ་ཡིན་ལྷོ་ནི་གསེར།། ནུབ་ནི་པདྨརཱ་ག་ལ།། བྱང་ནི་ཨིནྡྲ་ནཱི་ལར་གནས།། རིན་ཆེན་ལྔ་ཡི་རྩིག་པས་མཛེས།། འདོད་ཡོན་ལྷ་མོ་རིན་ཆེན་བདག། མེ་ཏོག་ཕྲེང་བ་མུ་ཏིག་ཧར།། ཏ་ར་ཎ་ཞིང་འཁོར་ལོ
iiif viewer powered by OpenSeadragon
