| e-texts navigator |
| Wylie |
309b1 བསམ་མི་ཁྱབ།། སྟོན་པ་འབྱུང་ཞིང་འཁོར་རྣམས་འབྱུང་།། ཐུགས་རྗེ་འབྱུང་ཞིང་བྱིན་རླབ་འབྱུང་།། དཀྱིལ་འཁོར་འབྱུང་ཞིང་མཆོད་པ་འབྱུང་།། ཐམས་ཅད་ཐམས་ཅད་འབྱུང་བ་ཡིན།། ཐུགས་རྗེ་ཆེན་པོའི་བྱིན་རླབ
309b2 ཀྱིས།། བདེ་བ་ཆེན་པོ་དབབ་ཏུ་གསོལ།། ཨེ་མ་འདི་ནི་གང་འབྱུང་བ།། ཐུགས་རྗེ་སྤྲུལ་པ་ཆེན་པོ་འབྱུང་།། འགྲོ་བ་འདུལ་བ་བསྟན་པའི་ཕྱིར།། གང་གིས་འདུལ་བ་དེ་བཞིན་དུ།། འདུལ་བའི་ངོ་ལ་ཅིར་ཡང
309b3 སྟོན།། ཡབ་ལ་དགྱེས་ཤིང་ཡུམ་ལ་ཆགས།། ཆགས་པའི་མདངས་ཀྱི་དགྱེས་པ་ན།། སེམས་དང་སེམས་སུ་འདྲེས་པས་ན།། སེམས་ཉིད་མི་འགྱུར་བརྟན་པའི་མཆོག། དགྱེས་པ་ཆེན་པོས་དབབ་ཏུ་གསོལ།། ཨེ་མ་མི
309b4 འགྱུར་བརྟན་པ་ལ།། འགྲོ་བ་ཀུན་གྱི་དོན་གྱི་ཕྱིར།། ཡབ་ལ་འཁྱུད་ཅིང་དགེས་པ་བསྐུལ།། འདོད་པས་གཡོས་ཤིང་རབ་ཏུ་འཛུམ།། ཟིམ་བག་བཅས་ཤིང་བརྩེ་བ་སྐྱེ།། མཆུ་འགུལ་ལྕེ་འདྲིལ་རབ་ཏུ་གདུང་།། རྩ
309b5 རྣམས་རབ་ཏུ་རྒྱས་མཛད་དེ།། པདྨ་ལ་ནི་བདེ་བ་དབབ།། ཨེ་མ་སྟོན་པ་ཡུམ་དང་བཅས།། ཡུམ་ནི་དགེས་པས་ཡབ་ལ་འཁྱུད།། ཡབ་ཀྱི་བདེ་བ་ཆེན་པོ་འདི།། ཡུམ་གྱིས་དགེས་པས་བསྐང་བའི་ཕྱིར།། གསང་བའི
309b6 རྡོ་རྗེ་བདེ་བ་འབེབས།། བདེ་བ་ཆེན་པོ་འདི་དག་ནི།། ཡུམ་ལ་དབབ་ཀྱི་དགེས་པར་མཛོད།། ཡབ་ཡུམ་བདེ་བ་ཆེན་པོ་འདི།། དགེས་པ་ཆེན་པོས་དབབ་པར་མཛོད།། ཨེ་མ་ཨོཾ་ཨཱཿཧཱུཾ་ཕཊ། ས་མ་ཡ་ཧོཿས་མ་ཡ་སྟྭཾ།
iiif viewer powered by OpenSeadragon
