| e-texts navigator |
| Wylie |
309a1 ཆད་པར་ག་ལ་བལྟ།། དེ་ཕྱིར་སྣང་སྟོང་གཉིས་སུ་མེད།། ཀུན་ཏུ་བཟང་པོ་ཀུན་གྱི་གཞི།། ཞེས་བཅོམ་ལྡན་འདས་དཔལ་ཀུན་ཏུ་བཟང་པོ་ཉིད་ཀྱིས་བརྗོད་དུ་མེད་པའི་དོན་བསྟན་ཏོ།། རྡོ་རྗེ་ཕུར་པ
309a2 ཆེན་པོ་གཏོར་མའི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །། དེ་ནས་མཉམ་པའི་ངང་གིས་ཡུམ་གྱི་བྷ་ག་ལ་བཞུགས་ནས། ཨེ་མ་ཧོ་མཉམ་པ་ཉིད་ཀྱི་ངོ་བོ་ནི།། བསྟན་པའི་སྙིང་པོ་དོན་གྱིས་གོ། འདི་ནི
309a3 སངས་རྒྱས་འབྱུང་བ་སྟེ།། ཀུན་བཟང་ཉིད་དུ་རྣམ་པར་གྲགས།། ཨེ་མ་འདི་ལྟར་ངོ་མཚར་ཆེ།། ཡ་མཚན་འཕྲུལ་ཆེན་རང་ལས་བྱུང་།། མི་བཙལ་རང་བྱུང་ངོ་མཚར་ཆེ།། ངོ་མཚར་ཆེན་པོ་ལྷ་ཡི་སྐུ།། ཇི་ལྟར
309a4 བལྟས་པས་འགྲུབ་པར་འགྱུར།། འདི་ནི་རབ་ཏུ་ངོ་མཚར་ཆེ།། ཨེ་མ་འདི་ནི་ངོ་མཚར་ཆེ།། སྐྱེ་བ་མེད་པའི་ཆོས་དབྱིངས་ལས།། བསྟན་པས་གོ་བ་ངོ་མཚར་ཆེ།། དོན་ཉིད་བརྗོད་དུ་མེད་པ་ལ།། བརྗོད་པས་གོ་བ་ངོ།
309a5 མཚར་ཆེ།། མུན་པ་ལྟ་བུའི་གཏི་མུག་ལ།། མར་མེ་ལྟ་བུའི་འོད་བྱུང་ནས།། གཏི་མུག་མུན་སེལ་མར་མེ་སྒྲོན།། མུན་པ་འཇོམས་པའི་ཤེས་རབ་འོད།། འདི་ལྟར་གདུལ་བྱེད་བདེ་གཤེགས་བྱུང་།། འདུལ་བའི་ངོ་ལ
309a6 ཅིར་ཡང་སྣང་།། གཉིས་སུ་མེད་པར་མཉམ་པར་སྦྱར།། ཨེ་མ་འདི་ལྟར་ངོ་མཚར་ཆེ།། ནམ་མཁའ་སྟོང་པ་སྐྱེ་མེད་ལ།། སྐྱེ་བའི་ཆོ་འཕྲུལ་ཅིར་ཡང་སྟོན།། དེ་བཞིན་སྐྱེ་མེད་ཆོས་དབྱིངས་ལས།། སྐྱེ་བའི་ཆོ་འཕྲུལ
iiif viewer powered by OpenSeadragon
