| e-texts navigator |
| Wylie |
308b1 གྱུར་ན།། དབྱིབས་དང་ཁ་དོག་ཐ་དད་ཀྱང་།། ཐམས་ཅད་གསེར་གྱི་ངོ་བོར་གཅིག། དེ་བཞིན་སེམས་ཀྱི་མཚན་ཉིད་ཀྱང་།། མཚན་མ་སྣ་ཚོགས་ཅིར་སྣང་ཡང་།། ཐམས་ཅད་སེམས་ཀྱི་ངོ་བོར་གཅིག། བསྟན་པའི
308b2 སྙིང་པོ་དམ་པ་འདི།། འདི་དང་འདི་རུ་བསྟན་པར་ནི།། བདེར་གཤེགས་ཉིད་ཀྱིས་བརྗོད་པར་དཀའ།། དོན་དམ་ཆོས་དབྱིངས་ནམ་མཁའ་འདྲ།། སྐྱེ་མེད་ནམ་མཁའི་ངོ་བོ་ལས།། སྐྱེ་བའི་ཆོ་འཕྲུལ་ཅིར་ཡང
308b3 སྣང་།། དེ་བཞིན་སྐྱེ་མེད་ཆོས་དབྱིངས་ལས།། སྐྱེ་བའི་ཆོ་འཕྲུལ་ཅིར་ཡང་སྣང་།། གླེང་གཞི་བྱང་ཆུབ་སེམས་ཉིད་ཡང་།། དཔེར་ན་ནམ་མཁའ་ཉིད་དང་འདྲ།། དངོས་པོར་སྣང་བའི་ཆོས་རྣམས་ཀུན།། འབྱུང་ཡང
308b4 ནམ་མཁའ་ཉིད་ལས་འབྱུང་།། འདུས་ཀྱང་ནམ་མཁའ་ཉིད་ལ་འདུས།། གླེང་གཞི་བྱང་ཆུབ་སེམས་ཉིད་ལ།། ལྟ་བ་སྒོམ་པ་དཀྱིལ་འཁོར་དང་།། ལྷ་དང་དམ་ཚིག་ལ་སོགས་པ།། མཆོད་པ་དང་ནི་བསྟོད་པ
308b5 དང་།། ཐམས་ཅད་བྱང་ཆུབ་སེམས་ལས་འབྱུང་།། འདུས་ཀྱང་བྱང་ཆུབ་སེམས་ལ་འདུས།། ཡང་དག་བསྟན་པའི་སྙིང་པོ་འདི།། སངས་རྒྱས་སེམས་ཅན་གཉིས་མེད་དེ།། གཉིས་སུ་གཟུང་དུ་ག་ལ་ཡོད།། ངེས་བཟུང
308b6 བྲལ་བའི་ཆོས་ཉིད་ལ།། དངོས་པོར་བཟུང་དུ་ག་ལ་ཡོད།། མཐའ་དབུས་མེད་པའི་ཆོས་ཉིད་ལ།། ཕྱོགས་ཆར་བཟུང་དུ་ག་ལ་ཡོད།། སྣང་སྟོང་གཉིས་སུ་མེད་པ་ལ།། སྣང་ཞེས་མཚན་མར་ག་ལ་འཛིན།། སྟོང་ཞེས
iiif viewer powered by OpenSeadragon
