| e-texts navigator |
| Wylie |
308a1 མེད་རྟོག་པས་བཅིངས་པ་འདིས།། རྟོག་པས་འབྲས་བུ་གང་བལྟས་པ།། དེ་ཉིད་རྟོག་པ་ཉིད་དུ་འགྱུར།། རྟོག་པས་བལྟས་པ་འཁོར་བའི་རྒྱུ།། རྟོག་པ་ཉིད་ཀྱང་ངེས་བཟུང་བྲལ།། ངེས་པ་རྟོགས་པ
308a2 གང་དུ་འཛིན།། མ་ངེས་རྟོག་པར་གཟུང་བ་མེད།། དེ་ཕྱིར་རྟོག་པའི་ངེས་བཟུང་བྲལ།། མ་རིག་རྟོག་པའི་གཟུང་འཛིན་བྲལ།། རྒྱུ་ལས་བསྐྱེད་པར་སྣང་མི་སྣང་།། རྒྱུ་ལས་བསྐྱེད་པར་གྱུར་པ་ན།། རྒྱུ་ལས་བསྐྱེད་པར
308a3 འཇིགས་པར་འགྱུར།། དེ་ལ་ཡང་དག་དོན་མི་དགོས།། གལ་ཏེ་རྒྱུ་ལས་མ་གྲུབ་ན།། དཔེར་ན་ནམ་མཁའ་སྟོང་པ་ལ།། རྒྱུ་མེད་རྐྱེན་གྱིས་དེ་མི་འཇིགས།། མ་རིག་རྒྱུ་མེད་སྟོང་པ་ལ།། ཇི་ལྟར་བྱས་ཀྱང་ངལ་བའི
308a4 རྒྱུ།། དཔེར་ན་ནམ་མཁའ་སྟོང་པ་ལ།། རྒྱུ་དང་རྐྱེན་དུ་མ་བསྟན་ཀྱང་།། སྤྲིན་དང་ན་བུན་ཁུ་རླངས་འབྱུང་།། དེ་བཞིན་སེམས་ཉིད་སྟོང་པ་ལ།། རྒྱུ་ལས་བསྐྱེད་དང་མ་བསྐྱེད་པའི།། དོན་ཉིད་ཡང་དག་བཤད་དཀའ
308a5 ཡང་།། མ་རིག་ནམ་མཁའི་སྤྲིན་དང་འདྲ།། ནམ་མཁའ་སྤྲིན་དུ་མ་ཤེས་ཤིང་།། སྤྲིན་ཉིད་ནམ་མཁར་མ་ཤེས་ན།། སྤྲིན་དང་ནམ་མཁའ་ཐ་དད་མེད།། སེམས་ཉིད་སྟོང་པ་ནམ་མཁའ་ལ།། མ་རིག་པ་ཉིད་སྤྲིན་དང
308a6 འདྲ།། མ་རིག་ཡེ་ཤེས་ཐ་དད་མེད།། མ་རིག་པ་ཉིད་ཡང་དག་ལམ།། འཁོར་བ་ཉིད་ཀྱང་བདེ་གཤེགས་རྒྱུ།། བྱང་ཆུབ་སེམས་ཀྱི་རང་བཞིན་ནི།། དཔེར་ན་རིན་ཆེན་གསེར་གླིང་འདྲ།། རིན་ཆེན་གསེར་གླིང་ཕྱིན
iiif viewer powered by OpenSeadragon
