| e-texts navigator |
| Wylie |
307b1 སྙིང་པའི་དོན།། ནམ་མཁའི་སྙིང་པོ་མཐའ་ཡས་མཆོག། ངེས་མེད་སེམས་ནི་སྣ་ཚོགས་ཏེ།། སྣ་ཚོགས་ངོ་བོ་གཅིག་ཏུ་སྣང་།། སྣང་བ་ཉིད་དུ་གཟུང་དུ་མེད།། ཐམས་ཅད་མཆོག་གི་སྙིང་པོ་འདི།། གཞན་དུ་རྒྱལ
307b2 བས་ཆོས་མི་བཙལ།། རང་རིག་སྙིང་པོ་མ་རྟོགས་ན།། བཙལ་བས་རྒྱལ་བའི་ཆོས་མི་རྙེད།། འཁོར་བ་མེད་ཅིང་སངས་རྒྱས་མེད།། ལྷ་ཡང་མེད་ཅིང་འདྲེ་ཡང་མེད།། མཐོ་རིས་མེད་ཅིང་ངན་སོང་མེད།། ཐམས་ཅད
307b3 སེམས་ཉིད་རིག་པའི་སློང་།། འདི་ནི་གང་ཡིན་བདེར་གཤེགས་རྒྱུ།། དེ་ཉིད་མ་སྤངས་ལྷུན་གྱིས་གྲུབ།། མ་བཙལ་མ་བསྒྲུབས་ལྷུན་གྱིས་གྲུབ།། ཀུན་ཏུ་བཟང་པོ་ཐམས་ཅད་མཁྱེན།། རྡོ་རྗེ་སེམས་དཔའི་དོན་རྣམས
307b4 སྟོན།། ཀུན་ཏུ་བཟང་པོ་རྡོ་རྗེ་སེམས།། གཉིས་སུ་མེད་པའི་འདུལ་བའི་དོན།། ཀུན་བཟང་དམ་པ་ལྷ་ཡི་ལྷ།། ཚད་མ་གསུམ་ནི་ངེས་བཟུང་ནས།། ངེས་གཞི་དོན་ལ་ཡང་དག་འབེབས།། གཉིས་སུ་དོན་རྟོག་གང
307b5 འཛིན་པ།། གཉིས་མེད་ངོ་བོར་ཡོངས་མི་འགྲུབ།། དྲུག་དང་བཅུ་ཡིས་མ་གྲུབ་ཅིང་།། བཅུ་བདུན་རྩ་གཅིག་ངེས་པར་འགྲུབ།། ངེས་གཟུང་མེད་པར་དོན་རྟོགས་ན།། ཐོབ་མེད་འབྲས་བུ་སྒྲུབ་མི་དགོས།། རྩོལ་མེད
307b6 ལམ་ལ་བགྲོད་མི་དགོས།། རིམ་པས་ས་ལ་སྦྲང་མི་དགོས།། ཡང་དག་ཉིད་དུ་དོན་རྟོགས་པས།། དེ་མ་རྟོགས་པས་འབྲས་བུ་མེད།། བསྒོམ་མེད་སྩོལ་མིན་སྙིང་པོའི་དོན།། ཉམས་སུ་ལེན་པའི་དམ་པ་འདི།། ཉམས
iiif viewer powered by OpenSeadragon
