| e-texts navigator |
| Wylie |
304b1 མིང་རུས་གཞུག། སྐྱེ་ཚེ་ཡུངས་ནག་བྲབ་རྫས་བཞག། ནས་ནག་རྡོ་ནག་ཟངས་ལྕགས་ཕྱེ།། ཟོར་གྱི་རྫས་སུ་ཐམས་ཅད་བསགས།། ཡང་ན་མདའ་ཡི་ཟོར་ཡང་བྱ། ཁྲ་དང་སྲིན་བྱ་ཕོ་རོག་དང་།། འུག་པ་དག་གི་སྒོ
304b2 བསྐྱོན་དེ།། སྨྱུག་མ་ལ་ནི་ཁྲག་གིས་བྱུགས།། སྐྱོན་མེད་སོར་ནི་བཅུ་གཉིས་པ། ཁྲག་དང་དུག་གི་བྱུགས་བྱས་ལ།། ཐུགས་ཀྱི་དཀྱིལ་འཁོར་དེར་གཟུག་བྱ།། ཟངས་ནག་ཞིང་ཆེན་སྤྱི་བླུགས་བགོ། དྲག་པོ་ལས་ཀྱི
304b3 གཟུངས་མ་ནི།། ནག་མོ་གཏུམ་མོ་ཁྲོ་གཉེར་ཅན།། གཡོན་བཞག་སྒྲོལ་བའི་ཡུམ་དུ་བརླབས།། དྲག་པོའི་ལས་ཀྱི་ཕུར་པ་ཡིས།། བསྒྲུབ་བྱ་དག་ལ་བཏབ་སྟེ་བསྒྲལ།། སོ་སོའི་རྩ་སྔགས་ལས་སྔགས་ཀྱིས།། ཟོར
304b4 མདའ་ལ་ནི་རབ་ཏུ་བསྒྲུབ།། ཕུར་བུ་ཕྲ་མོ་བདུན་བྱས་བསྔགས།། སྒོ་རྩར་ཕུག་སྟེ་མདའ་ནང་གཞུག། མཚེ་ཉུང་དྲག་རྫས་བཟླས་ལ་བླུག། ཨོཾ་མོ་ཧ་གྷ་ཡ་གརྫ་གརྫ་ཧཱུཾ་ཕཊ། སྒོ་ཊ་ཡའི་བར་དག་ཏུ།། མོ་ཧ་གྷ་ཡས
304b5 མགོ་མནན་བསྒྲུབ། ཁྲག་གི་ནང་གིས་མིང་གཟུགས་ལ།། ནས་ནག་རྡོ་ནག་ལ་སོགས་པ།། དྲག་པོའི་སྔགས་འདི་བཏབ་སྟེ་བྲབ།། ཧཱུཾ་མ་མ་བ་ཤཾ་ཀུ་རུ་མ་ཏ་ཉ་ཀ་ར་ཨི་ནན་དྷ་དྷི་མ་མ་ཀརྨ་ཤཱི་གྷང་ཀཱ་ར་ཡ། ལས་ཕྱེད
304b6 ཚོགས་ནི་དྲག་ཏུ་བསྐུལ། ཁྲོ་བོའི་སྤྲུལ་པ་དེ་བཞིན་བསྐུལ།། དྲོད་ཚད་ལྡན་པས་ཟོར་དུ་འཕང་།། མ་མོའི་ཟོར་ནི་སྲོད་ལ་སྟེ།། སྲིན་པོའི་ཟོར་ནི་ཐོ་རངས་འཕངས།། ཟོར་ལམ་ཕྱེ་ལ་ཁྲོ་བས་འཕངས།། མདའ
iiif viewer powered by OpenSeadragon
