| e-texts navigator |
| Wylie |
29b1 མཁའ་འགྲོ་ཀུན་གྱི་དྲིལ་བུའི་དབང་།། རྟོག་མེད་ཆོས་ཀྱི་སྒྲ་འབྱིན་ཞིང་།། ལས་ཀྱི་ཁྲག་འཐུང་ཕྲིན་ལས་བདག། ཤེས་རབ་དྲིལ་བུའི་དབང་བསྐུར་རོ།། ཏིཥྛ་ཨ་ནུཥྚཱ་ན་བཛྲ་ཨ་བྷི་ཥིཉྩ་མཱཾ།། ཨོཾ། རྡོ་རྗེ་མིང་གི་ཆོས་ཉིད
29b2 དེ།། ཅིས་ཀྱང་མི་ཚུགས་མི་ཤིགས་ཏེ།། སངས་རྒྱས་ཁྲག་འཐུང་ངོ་བོ་ཉིད།། རྡོ་རྗེ་མིང་དུ་དབང་བསྐུར་རོ།། དྷརྨ་དྷཱ་ཏུ་བི་ཤོ་དྷ། བཛྲ་ཨ་བྷི་ཥིཉྩ་མཱཾ།། ཐམས་ཅད་འདུས་པའི་ཡེ་ཤེས་ལ།། དྲུག་པ་རྡོ་རྗེ་གཞོན་ནུའི
29b3 སྐུ།། ཟླ་བ་དྲུག་གིས་ངེས་པར་འགྲུབ།། ལྷ་ཀླུ་ཐམས་ཅད་དབང་སྡུད་ཅིང་།། མཁའ་འགྲོའི་གནས་སུ་མྱུར་དུ་འགྲོ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས་དབང་གིས་ལེའུ་སྟེ་གཉིས
29b4 པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་ཁྲོ་བོའི་གཙོ།། སེམས་ཀྱི་ཞེ་སྡང་འདུལ་བའི་ཕྱིར།། རྡོ་རྗེ་རིགས་ཀྱི་དཀྱིལ་འཁོར་རྫས།། ལྷ་ཡི་དེ
29b5 ཉིད་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། གནས་དང་དཀྱིལ་འཁོར་ཕུར་པ་དང་།། ལྷ་ཡི་སྐུ་མདོག་ཕྱག་མཚན་རྣམས།། ང་ཡིས་བཤད་ཀྱིས་ལེགས་པར་ཉོན།། རྡོ་རྗེ་རིགས་ཀྱི་སྒྲུབ་པའི
29b6 གནས།། དུར་ཁྲོད་ཆེན་པོ་རབ་འཇིགས་དང་།། རི་དང་བྲག་དང་ས་ཡི་དབྱིབས།། རིགས་ཀྱི་མཚན་མར་ངེས་པ་དང་།། ཉམས་དགའ་བ་ཡི་ས་ཕྱོགས་སུ།། གནག་ཅིང་ཆེར་རྩུབ་ས་བཙལ་ལ།། རྡོ་རྗེའི
iiif viewer powered by OpenSeadragon
