| e-texts navigator |
| Wylie |
28a1 འཐུང་ལྔ་རུ་གསལ།། ཨོཾ། ཕྱོགས་བཅུ་དུས་གསུམ་ཐམས་ཅད་ཀྱི།། སྐུ་གསུང་ཐུགས་ཀྱི་རྡོ་རྗེ་ཆེ།། དཀྱིལ་འཁོར་ཀུན་གྱི་སྦྱིན་པ་སྤྱོད།། དཀྱིལ་འཁོར་ཀུན་གྱི་མངའ་བདག་འགྱུར།། ཨོཾ། སློབ་མའི
28a2 ལུས་ནི་དག་ཅིང་སྨིན།། རྡོ་རྗེའི་ལུས་ནི་རྣམ་པར་དག། དེ་ནི་བུམ་པའི་དབང་ཡིན་ཏེ།། ལྷ་ཡི་སྐུ་ནི་རྣམ་དག་དཔའ།། མྱུར་དུ་ཐོབ་སྟེ་ཐེ་ཚོམ་མེད།། རྡོ་རྗེ་ཐེག་ལ་མོས་པ་ཡི།། བུ་མོ་མཚན་བཟང་ལྡན་པ
28a3 བཙལ།། ཐབས་ནི་རྡོ་རྗེ་གཞོན་ནུ་སྟེ།། དེ་ཉིད་ཤེས་རབ་བདེ་བའི་ཡུམ།། རྡོ་རྗེའི་ལམ་ནས་པདྨོར་འཁྱིལ།། བདེ་བ་ཐུགས་ཀྱི་ཐིག་ལེ་སྤྲོ།། ཨོཾ་ཨ་ནུ་རཱ་ག་པཱ་ཙ་ཧོ། ཟག་མེད་ཉི་ཟླའི་སྙིང་པོ་དེ།། སློབ་མའི་ངག་ལ
28a4 ཡང་དག་སྦྱིན།། ཀཱ་ཡ་སིདྡྷི་ཨཽ། ཝཱཀྐ་སིདྡྷི་ཨཱ། ཙིཏྟ་སིདྡྷི་ཧཱུཾ། ཨོཾ་ཨཱཿཧཱུཾ་མ་ཧཱ་སུ་ཁ་ཧོ།། ཧཱུཾ་བདེ་ཆེན་ཐིག་ལེ་ཡབ་ཡུམ་བཅུད།། རྡོ་རྗེའི་ལམ་ནས་པདྨོར་འཁྱིལ།། བུ་ཡི་ལྕེ་ལ་དབབ་པར་བྱ།། སྙིང་གི་དཀྱིལ་དུ་གཟུང
28a5 བར་གྱིས།། ཨོཾ་བོ་དྷི་ཙིཏྟ་ཨ་བྷི་ཥིཉྩ་ཨ། གསང་བ་བྱང་སེམས་རྡོ་རྗེའི་ངག། རྡོ་རྗེ་གསུམ་གྱིས་རྣམ་པར་དག། རྡོ་རྗེ་གཞོན་ནུ་ཁྲག་འཐུང་དཔལ།། ཤེས་རབ་བཅུ་དྲུག་ལོན་པ་ཡི།། བུ་མོ་མཚན་དང་ལྡན་པ
28a6 ལ།། གར་དང་ལྡན་པས་ཡང་དག་སྤྱོད།། བདེ་ཆེན་སྒྱུ་མའི་བརྡ་མཚོན་ཏེ།། གཉིས་ཤོར་གཉིས་མཉམ་དབུས་དག་ཏུ།། དབྱིབས་ཀྱི་བདེ་ཆེན་བྱུང་བ་སྟེ།། རང་རིག་ཡེ་ཤེས་དེ་ལ་ཡོད།། ཧཱུཾ་བདེ་བ་ཐུགས་ཀྱི་སེམས
iiif viewer powered by OpenSeadragon
