| e-texts navigator |
| Wylie |
27b1 རྒྱའི་ཚོགས་མཆོག་ལས།། རིན་ཆེན་ཁྲག་འཐུང་གསལ་སྤྲོ་བསྟིམ།། ས། དབང་དེ་བསྐུར་ཞིང་སྨིན་པ་ཡིས།། གསང་བའི་གསང་མཆོག་དམ་པ་ལས།། གསང་བ་གཞལ་ཡས་བསྙེན་པར་བྱ།། གསང་བའི་དོན་ཉིད
27b2 རྟོགས་པར་བྱ།། གསང་བ་གཞན་དུ་སྒྲ་མི་བྱ།། བཛྲ། བསམ་བྱེད་སྙིང་གི་གཞལ་ཡས་སུ།། གསང་བ་རྡོ་རྗེའི་ངོ་བོ་ཉིད།། ཡི་གེ་ཕྲེང་བའི་ཚོགས་མཆོག་ལས།། རྡོ་རྗེ་ཁྲག་འཐུང་གསལ་སྤྲོ་བསྟིམ།། བཛྲ། དུས
27b3 གསུམ་རྒྱལ་བའི་སྲས་ཆེན་པོ།། སྐུ་གསུང་ཐུགས་ཀྱི་རྡོ་རྗེའི་གདན།། རྒྱལ་བ་ཐམས་ཅད་མཉེས་མཆོད་ལ།། རྒྱལ་བ་ཀུན་དང་མཉམ་པར་སྦྱོར།། ཏྭ། ལག་མཐིལ་གཉིས་ཀྱི་གཞལ་ཡས་སུ།། གསལ་བའི་རྒྱ་གྲམ་ངོ
27b4 བོ་ཉིད།། ཏྲ་ཡི་ཕྱག་རྒྱའི་ཚོགས་མཆོག་ལས།། ལས་ཀྱི་ཁྲག་འཐུང་གསལ་འཕྲོ་བསྟིམ།། ཏ།། ཁྱོད་ནི་རྡོ་རྗེ་ལས་ཡིན་པས།། ལས་རྣམས་མ་ལུས་ཀུན་གྱིས་ཤིག། ཕོ་ཉ་འདུ་འཕྲོ་མང་པོ་ཀུན།། ཁྱོད་ཀྱི་དགོངས་པ
27b5 བྱེད་པར་འགྱུར།། ཨ། སྨྲ་བྱེད་ལྕེ་ཡི་གཞལ་ཡས་སུ།། གསལ་བ་ཨ་ཡི་ངོ་བོ་ཉིད།། ཨ་ཡི་ཕྱག་རྒྱའི་ཚོགས་མཆོག་ལས།། པདྨ་ཁྲག་འཐུང་གསལ་སྤྲོ་བསྟིམ།། ཨ། ཆོས་ཀྱི་བདུད་རྩི་བླ་ན་མེད།། དད་ལྡན་སྐྱེས་བུ
27b6 ངོམས་པར་བྱེད།། རབ་འབྲིང་ཐ་མའི་བློ་ཅན་ལ།། འཐུང་བར་གསང་བསྒྲག་གཞན་དུ་མིན།། ཨོཾ། བསྐྱོད་ཆེན་ལན་ལག་གཞལ་ཡས་སུ།། གསལ་བ་ཨོཾ་གྱི་ངོ་བོ་ཉིད།། ཨོཾ་ཨཱཿབཛྲ་ས་ཏྭ་ཧཱུཾ་ལས།། རིགས་ལྔ་ཁྲག
iiif viewer powered by OpenSeadragon
