| e-texts navigator |
| Wylie |
269b1 བཾ་དཱི་པ་སུ་གི་རི། མུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། ཧོཿགན་དྷེ་ཙིཏྟ་ཧོ། ཡཀྵི་ཎི་མུ་ཁ་ཧཱུཾ། བྷེ་ར་བེ་མུ་ཁ་ཧཱུཾ། ཨ་མྲྀ་ཏ་མུ་ཁ་ཧཱུཾ། མཱ་ར་ཎ་མུ་ཁ་ཧཱུཾ། ལྟེ་བའི་རྩིབས་ལ་ཡབ་ཡུམ་དང་།། གྲུ་ཆད་སེམས་དཔའ་ཡང
269b2 ཡུམ་བརྒྱད། ཁྱམས་ལ་དེ་བཞིན་བརྒྱད་གནས་པ།། བཞི་ནི་སྒོ་བཞིར་རབ་ཏུ་འབར།། ཐབས་དང་སྤྱོད་པ་ཐམས་ཅད་ཀྱིས།། ཐམས་ཅད་ཞི་བ་ཆེན་པོར་འགྱུར།། རྣམ་པར་རྟོག་པ་རབ་ཞི་སྟེ།། མི
269b3 རྟོག་པ་ལ་རབ་ཏུ་བཀོད།། ཞི་བ་ཆེན་པོའི་ཆོ་ག་འདི།། ཞི་བའི་ལས་རྣམས་འགྲུབ་པར་བཤད།། ཞི་བའི་ལྷ་རྣམས་རབ་གསལ་ནས།། ཞི་བའི་ལྷ་རྣམས་སྤྱན་དྲངས་ཤིང་།། ཕྱག་འཚལ་བརྟན
269b4 བཞུགས་དངོས་གྲུབ་ནོད།། ཕྱི་མ་རྨད་བྱུང་བདུད་རྩི་དང་།། གཏོར་མ་དག་ཀྱང་སྦྱིན་པར་བྱ།། བསྟོད་པའི་མཆོག་འདིས་རབ་ཏུ་བསྟོད།། ཧཱུཾ་བཅོམ་ལྡན་མི་བསྐྱོད་སྐུར་སྤྲུལ་པ།། རྡོ་རྗེ་སེམས་དཔའ
269b5 མངའ་བདག་ཉིད།། ཉོན་མོངས་ཐམས་ཅད་ཞི་མཛད་པ།། རྡོ་རྗེའི་སྐུ་མཆོག་ཕྱག་འཚལ་བསྟོད།། ཡིད་བཞིན་ནོར་བུས་དགོས་འདོད་སྐོངས།། རིན་ཆེན་སེམས་དཔའི་མངའ་བདག་ཉིད།། ང་རྒྱལ
269b6 རྣམ་རྟོག་ཉོན་མོངས་ཞི།། རིན་ཆེན་སྐུ་མཆོག་ཕྱག་འཚལ་བསྟོད།། ཆགས་བྲལ་ཆགས་ཆེན་འོད་དཔག་མེད།། པདྨ་སེམས་དཔའི་མངའ་བདག་ཉིད།། འདོད་ཆགས་རྣམ་རྟོག་ཉོན་མོངས་ཞི།།
iiif viewer powered by OpenSeadragon
