| e-texts navigator |
| Wylie |
268a1 ཁམས་ཐམས་ཅད་ཕུང་བར་བྱེད་དོ།། འདོད་པའི་ཁམས་དང་། གཟུགས་ཀྱི་ཁམས་དང་གཟུགས་མེད་པའི་ཁམས་ཐམས་ཅད་ཕུང་བར་བྱེད་པའི་རཱ་ཏྲ་དེ་བསྒྲལ་བའི་ཕྱིར། དེ་བཞིན
268a2 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་ཀཱི་ལ་ཡ་ཞེས་བྱ་བས། གདུག་པ་སྒྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཐུགས་ཀ་ནས་འོད་ཟེར་རྣམ་པ
268a3 ལྔ་འཐོན་ཏེ། འོད་ཟེར་དེ་དག་ཀྱང་ཁྲོ་བོ་སྣ་ཚོགས་སུ་གྱུར་ནས། རཱ་ཏྲ་དེ་ལ་རྡོ་རྗེ་རྩེ་དགུ་པ་དང་། རྩེ་ལྔ་པ་དང་རྡོ་རྗེ་རྒྱ་གྲམ་དང་མེ་དཔུང་དང་ཏྲི་ཤུལ་དང་། ཕུར་པ་རྣམས་འཕྲོས་ནས་རཱ་ཏྲ་དེ་ཉིད
268a4 བསྒྲལ་ཏེ། ཤ་ཟོས་ཁྲག་འཐུང་རུས་པ་འཆོས་ཏེ་འཇིག་རྟེན་གྱི་ཁམས་བདེ་བ་ལ་བཀོད་དོ། གཞན་ཡང་མི་དགེ་བ་ལས་གྲུབ་པའི་དྲེགས་པ་ཅན། དབང་ཕྱུག་ཆེན་པོ་ཕོ་མོ་དང་། ཉི་ཟླ་ཚངས་པ་དང་།
268a5 བརྒྱ་བྱིན་དང་། མེ་ལྷ་དང་། གཤིན་རྗེ་དང་། སྲིན་པོ་དང་། ཆུ་ལྷ་དང་། རླུང་ལྷ་དང་། གནོད་སྦྱིན་དང་། འབྱུང་པོའི་བདག་པོ་དང་། ཕོ་མོར་བཅས་པ་ཁ་བུབ་ཏུ་འགྱེལ་ནས། ཁྲག་ཏུ་སྐྱུགས་ཤིང་འོ།
268a6 དོད་ཆེན་པོ་འབོད་དེ། དཔའ་བོ་ཆེན་པོ་ནི་ཐུགས་རྗེའི་མངའ་བདག་ལགས་ན། དེ་ལྟ་བུ་མ་མཛད། དཔའ་བོ་ཆེན་པོའི་འབངས་སུ་མཆིའོ།། ཅི་བསྒོ་བའི་བཀའ་ཉན་ཞེས་ཉམ་ཐག་པ་ལས། བཅོམ
iiif viewer powered by OpenSeadragon
