| e-texts navigator |
| Wylie |
267b1 ཁྲོས་པའི་རྒྱལ་པོ་ཡིས།། ཁྲོ་བོ་ཉེ་བར་ཞི་མཛད་པ། ཁྲོ་ཞི་ཆེ་ལ་ཕྱག་འཚལ་ཏེ།། ཞི་བས་མི་འདུལ་ཁྲོ་བོར་སྟོན། ཁྲོ་བོས་འདུལ་ལ་ཕྱག་འཚལ་ལོ།། ཞེས་མགྲིན་གཅིག་དབྱངས་གཅིག་པར་བསྟོད་ནས་མི་སྣང་བར
267b2 གྱུར་ཏོ།། ཀརྨ་ཀུ་རུའི་རྒྱུད་ལས། ཡོངས་སུ་གཏད་པའི་ལེའུ་སྟེ་བཅོ་ལྔ་པའོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་། ལོཙྪ་བ་ཨཱ་ཙརྱ་གཉིགས་ཛྙཱ་ནས་གཏན་ལ་ཕབ་པ་ལས། རྨ་རིན་ཆེན་མཆོག་གིས
267b3 སྐད་གསར་བཅད་ཀྱིས་གཏུགས་པའོ།། བརྟག་པ་ཕྱོགས་གཅིག་པ་རྫོགས་སོ།། །། @#།། རྒྱ་གར་སྐད་དུ། ཀརྨྨ་ཀཱི་ལ་ཡ་ཏནྟྲ། བོད་སྐད་དུ། ཕུར་པ་ཀརྨྨ་ལས་ཀྱི་རྒྱུད།། རྡོ་རྗེ་ཀི
267b4 ལ་ཡ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཙུན་མོའི་བྷ་ག་ལ་བཞུགས་ཏེ། རྡོ་རྗེ་ཁྲོ་བོའི
267b5 ཚོགས་བསམ་གྱིས་མི་ཁྱབ་བརྗོད་ཀྱི་མི་ལང་བ་དང་། བཙུན་མོའི་ཚོགས་བསམ་གྱིས་མི་ཁྱབ་བརྗོད་ཀྱིས་མི་ལང་བ་དང་། ཡང་སྦྲུལ་དང་སུམ་སྦྲུལ་དང་། མགྱོགས་མའི་ཚོགས་དང་ཐབས་ཅིག་ཏུ
267b6 བཞུགས་སོ། དེའི་ཚེ་ན་རཱུ་ཏྲ་ཤིན་ཏུ་གདུག་པ་འཇིག་རྟེན་ཐམས་ཅད་ཕུང་བར་བྱེད་པ། མགོ་གསུམ་པ་ལག་པ་དྲུག་པ། དྲག་པོའི་གཏུམ་ཚིག་བརླང་པོར་སྨྲ་བ་ཞིག་གིས་འཇིག་རྟེན་གྱི
iiif viewer powered by OpenSeadragon
