| e-texts navigator |
| Wylie |
267a1 གཙིགས་པའི་སྐྱེ་ཤི་རྩ་བ་གཅོད།། རྫུ་འཕྲུལ་ཕྱག་བཞི་གཡས་ཀྱི་གོང་མ་ན།། ཡེ་ཤེས་སྟ་རེས་ཁམས་གསུམ་རྡུལ་དུ་རློག། གཡས་འོག་རྒྱ་གྲམ་འཁོར་བ་ཟིལ་གྱིས་གནོན།། གཡོན་གྱི་དང་པོས་ཁ
267a2 ཊཱི་བདུད་ཁམས་འདུལ།། གཡོན་འོག་ཕུར་པས་ངན་སོང་གནས་གསུམ་འཇིག། བསྐལ་པའི་མེ་དཔུང་འབར་བའི་ཀློང་དཀྱིལ་ན།། ལྟེ་བ་མན་ཆད་སྐུ་སྨད་ནི།། ཨུཏྤལ་སྔོན་པོའི་མདོག་འདྲ་བ།། ཆོས་ཉིད་རིག་པའི
267a3 ཡེ་ཤེས་རྩེ་གཅིག་པོ།། ཤེས་རབ་ཡུམ་གྱི་མཁའ་ཡི་ཕོ་བྲང་ནས།། སྟོབས་དང་མཐུ་དཔུང་ཁྲོ་བོ་འབུམ་པས་ལྷག། ཆོས་སྐུ་ལོངས་སྤྱོད་རྟག་པར་སྐུ་སྤྲུལ་པ།། ཡེ་ཤེས་ཀཱི་ལ་ཡ་ལ་ཕྱག་འཚལ་བསྟོད།། དེ་ནས་ཡང
267a4 འདི་གསུངས་སོ།། ལས་ཀྱི་རིགས་མཆོག་བདུད་བཞི་འདུལ་བའི་གཙོ།། བདུད་ཀྱི་རིགས་རྣམས་རྡུལ་དུ་རློག་མཛད་ཅིང་།། བླ་མེད་བྱང་ཆུབ་གནས་སུ་འདྲེན་མཛད་པ།། ཀརྨ་ཧེ་རུ་ཀ་ལ་ཕྱག་འཚལ་བསྟོད།། ཅེས
267a5 གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་མི་ཟད་པ་ཀརྨ་ཀུ་རུའི་རྒྱུད་ལས། རིག་པའི་རྒྱལ་པོ་དང་བསྟོད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱིས
267a6 འཁོར་རྣམས་ལ། བདག་དང་ཁྱེད་དུ་བཅས་པས་རྒྱུད་འདི་ཉིད་ཀྱིས་འགྲོ་བའི་དོན་བྱོས་ཤིག། ཅེས་གསུངས་ནས་མི་སྣང་བར་གྱུར་ཏོ།། དེ་ནས་འཁོར་རྣམས་ཀྱིས་རྒྱུད་འཆད་པའི་སྐྱེས་བུ་ལ་བསྟོད་པ། ཧཱུཾ་ཁྲོ་ལ
iiif viewer powered by OpenSeadragon
