| e-texts navigator |
| Wylie |
265a1 ཅད་ཀྱི་སྐུ་གསུང་ཐུགས་མི་ཟད་པ་ཀརྨ་ཀུ་རུའི་རྒྱུད་ལས། དཀྱིལ་འཁོར་གྱི་བཅའ་གཞི་དང་ལྷ་བཀོད་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་ལ་འདི
265a2 སྐད་ཅེས་གསོལ་ཏོ།། ཀྱེ་ཀྱེ་སངས་རྒྱས་བཅོམ་ལྡན་འདས།། དྲག་པོ་ལས་ཀྱི་ཤམ་བུ་སྟེ།། མེ་ཡི་ཆོ་ག་བཤད་དུ་གསོལ།། ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ།། དཀྱིལ་འཁོར་དབུས་ནས་ཤར
265a3 ལྷོའི་མཚམས།། མེ་ཡི་དཀྱིལ་འཁོར་གྲུ་གང་བྱ།། དེ་ལ་ཁ་ཁྱེར་གསུམ་དང་ལྡན།། ཟབས་དང་རྒྱར་ཡང་མཉམ་པ་ལ།། ཧོམ་ཁུང་སོར་ནི་བཞི་པར་བྱ།། དང་པོ་ལ་ཡང་ཐོད་པ་གསུམ།། བར་མ་དག་ལ་མཚོན་ཆ
265a4 ལྔ།། ཐ་མ་རྩང་དམར་དག་གིས་བསྐོར།། ཡང་ན་དཀྱིལ་འཁོར་ཆེན་པོ་དང་།། འབྲེལ་པ་ཉིད་དུ་བྱ་བ་ཡི།། དཀྱིལ་འཁོར་རྣམ་གསུམ་རྫོགས་པ་དང་།། གང་ལ་དམིགས་པའི་ལིངྒ་ལ།། དགུག་གཞུག་ལས་རྣམས
265a5 ཚང་བར་བྱ།། གཅད་དང་གཏུབ་དང་གདབ་པ་རྣམས།། རྡོ་རྗེ་སྡེར་ལ་སོགས་པས་བྱ།། དེ་ནས་མེ་ལྷ་སྤྱན་ཡང་དྲང་།། དད་པ་དང་ནི་དམ་ཚིག་གིས།། ཚུར་གཤེགས་ཚུར་གཤེགས་འབྱུང་བ་ཆེ།། མེ་ལྷ་དྲང་སྲོང་བྲམ
265a6 ཟེ་མཆོག། སུམ་ཅུ་རྩ་ལྔའི་ལྔ་ཚིགས་ནི།། ལྔ་པ་མེ་ལྷ་ཞེས་ཀྱང་བྱ།། རབ་ཏུ་སྤུན་ལ་སྐུ་མདོག་སེར།། མགྲིན་པ་རིང་ལ་གསུང་ཡང་སྙན།། ཐུགས་རྗེའི་དབང་གིས་སྤྱན་དྲངས་ཏེ།། འབར་བའི་ནང་དུ་བཞུགས་ནས
iiif viewer powered by OpenSeadragon
