| e-texts navigator |
| Wylie |
264b1 ལེགས་པར་བཀལ་བ་ཡི།། ཐིག་སྐུད་མ་ཉམས་གསང་བ་ཡིས།། དཀྱིལ་འཁོར་ཆ་ནི་བསྙམ་པར་བྱ།། ཟུར་བཞི་ཚངས་ཐིག་བཏབ་ནས་ནི།། སྣམ་བུ་བརྒྱད་དུ་བགོ་བར་བྱ།། དབུས་སུ་འཁོར་ལོ་རྩིབས་བཞི་པ།། ལྟེ
264b2 བ་མུ་ཁྱུད་དག་གིས་བསྐོར།། དེ་ཡི་ཕྱི་རིམ་སྣམ་བུ་ལ།། སྲུང་མ་རྣམས་ཀྱི་ཁྱམས་དག་བྱ།། དེ་ཡི་ཕྱི་རིམ་སྣམ་བུ་ལ།། སྒོ་མ་བཞི་ཡི་རང་བཞིན་ཏེ།། དེ་ཡི་ཕྱི་རིམ་སྣམ་བུ་ལ།། དེ་བཞིན་ལྕགས་རི་བཏང་བར
264b3 བྱ།། ལྟེ་བ་དག་ནི་ནག་པོ་ཏེ།། དེ་ལ་གྲུ་གསུམ་གྲུ་གསུམ་བྱ།། འཁོར་ལོ་བཞི་ནི་སེར་པོ་སྟེ།། དེ་ཡི་གོང་རས་ནག་པོར་བྱ།། བར་ཁྱམས་དམར་ལ་སྒོ་ཁྱམས་སེར།། གྲུ་ཆད་ལྗང་གུ་ལྕགས་རི་ནག། དེ་བཞིན་ཚོན
264b4 གྱིས་བཀྱེ་བ་ལ།། དབུས་སུ་ཀརྨ་ཡབ་ཡུམ་སྟེ།། ཤར་ནས་བརྩམས་ཏེ་ཁྲོ་བོ་བཞི།། རིམ་པ་བཞིན་དུ་དགོད་པར་བྱ།། དེ་ཡི་ཕྱི་རིམ་སྣམ་བུ་ལ།། སྲུང་མ་རྣམས་ནི་སྤེལ་མར་དགོད།། སྒོ་ལ་སྒོ་མ་བཞི་རྣམས
264b5 ཏེ།། ལྕགས་རི་ལ་ནི་དབང་ཕྱུག་མ།། དོན་གྱིས་སངས་རྒྱས་ཡིན་མོད་ཀྱང་།། བྲན་གྱི་ཚུལ་དུ་མུ་རན་བཞུགས།། དབུས་ཀྱི་གཙོ་བོའི་མདུན་ཉིད་དུ།། སྲས་མཆོག་བདུན་པོ་དེ་བཞིན་གཞག། དེ་ལྟར་དོན་གྱི་ལྷ་བཀོད
264b6 ནས།། མཆོད་པ་རྣམས་ཀྱང་དེ་བཞིན་གཞག། དེ་ནས་མཆོད་པའི་ལས་བྱ་བ།། རྒྱལ་པོ་རྒྱལ་པོ་དེ་བཞིན་ཏེ།། རྒྱལ་ཐེབས་ཀརྨ་གིང་གིས་བྱ།། དེ་ནས་ལས་རྣམས་མཐའ་རུ་བསྐྱལ།། དེ་བཞིན་གཤེགས་པ་ཐམས
iiif viewer powered by OpenSeadragon
