| e-texts navigator |
| Wylie |
264a1 མ་འབུལ་ལོ།། ཨོཾ་ས་མ་ཡ་ཨ་མྲྀཏ་ཨརྒྷཾ་པྲ་ཏིཙྪ་ཧཱུཾ་སྭཱ་ཧཱ། ཞེས་བཟླས་ཏེ། ཨ་མྲྀ་ཏ་ཕུལ་ནས་ཅི་འདོད་པའི་ལས་བཅོལ་ལོ།། འདི་ནི་ཕྲིན་ལས་ཕུན་སུམ་ཚོགས་པ་ཞེས་བཤད་པའི་རྒྱལ་པོས་ཡང་དག
264a2 པར་བཤད་དོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་མི་ཟད་པའི་རྒྱུད། ཀརྨ་ཀུ་རུ་ལས་རྟེན་དང་བརྟེན་ཅན་དུ་གྱུར་པའི་ཕྲིན་ལས་འཇིག་རྟེན་འདི་ནས་ཕ་རོལ་ཏུ་སྒྲོལ་བའི་ལས་ཀྱི་རྒྱལ་པོའི་ལེའུ
264a3 སྟེ་བཅུ་གཅིག་པའོ།། །། དེ་ནས་ཡང་བཅོམ་ལྡན་འདས་དཔལ་ཀཱི་ལ་ཡའི་རྒྱལ་པོ་ལ། ཀརྨ་ཧེ་རུ་ཀས་གསོལ་པ། ཨེ་མ་ཧོ་སངས་རྒྱས་བཅོམ་ལྡན་འདས།། མ་མཐོང་རྨོངས་ལ་བསྟན་པའི་ཕྱིར།། གཟུགས
264a4 བརྙན་དཀྱིལ་འཁོར་བསྟན་པ་དང་།། ལས་ཀྱི་ཤམ་བུ་ཧོམ་ཁུང་རྣམས།། དཔའ་བོས་ཡང་དག་བཤད་དུ་གསོལ།། ཞེས་གསོལ་ཏོ།། དཔའ་བོ་ཉིད་ཀྱིས་བཀའ་སྩལ་པ། ཉོན་ཅིག་རིགས་ཀྱི་ཧེ་རུ་ཀ། རྗེའུ་དམངས
264a5 དང་རྒྱལ་པོའི་ཚུལ།། ཡང་ནི་བདག་གིས་བཤད་པར་བྱ།། ཞི་བའི་གནས་དང་དྲག་པོའི་གནས།། སྔ་མ་ཉིད་ལས་བརྟག་པར་བྱ།། དེ་ལྟ་བུ་ཡི་གནས་རྙེད་ནས།། སྔོན་གྱི་ལས་རྣམས་རབ་བརྟགས་ནས།། མཎྜལ
264a6 འདོམ་གང་མདའ་གང་ངམ།། ཆེ་ཆུང་ཚད་ནི་མ་ངེས་ཏེ།། དཔངས་སུ་ཁྲུ་གང་བརྩིག་པར་བྱ།། ཆ་མཉམ་ཆག་ཆག་གོ་མ་ཡི།། བདུད་རྩི་དག་གིས་རབ་བྱ་སྟེ།། བཅུ་གཉིས་རྩ་བཅོ་ལྔ་ཡང་ལྔ་རྩ་གཉིས་ཏེ།། བུ་མོས
iiif viewer powered by OpenSeadragon
