| e-texts navigator |
| Wylie |
261a1 པ།། བཟླས་བརྗོད་ཕུན་སུམ་ཚོགས་པ་ནི།། བདག་ཉིད་ལས་ཀྱི་ལྷར་བསྒོམས་ལ།། སྙིང་གར་ཉི་མའི་དཀྱིལ་འཁོར་དུ། ཧཱུཾ་མཐིང་ནག་གཅིག་བཞག་ནས། ཨོཾ་བཛྲ་ཀི་ལི་ཀི་ལ་ཡ། ཆེ་གེ་མོ་ཞིག་མཱ་ར
261a2 ཡ་ཕཊ། ཅེས་བརྗོད་པས། ཕུར་པའི་ཁྲོ་བོ་ཅི་འདྲ་བ་གཅིག་བྱུང་བར་གྱུར་ཏེ། ཕྱོགས་བཅུ་ཐམས་ཅད་དུ་སེམས་ཅན་གྱི་དོན་བྱས་ནས་ཕུར་པ་ལ་བསྟིམ་མོ།། འདི་འདྲ་བ་འབུམ་མམ། བདུན་འབུམ་བྱེ་བའམ། ས་ཡ
261a3 ཡན་ཆད་བཟླས་པ་བྱ་སྟེ། བསྙེན་པ་གཏང་བ་འདོད་ན། ཕུར་པ་ཉིད་སྙིང་གའི་ཧཱུཾ་ལ་བསྡུས་ཏེ། འདི་ནི་བཟླས་བརྗོད་ཕུན་སུམ་ཚོགས་པའོ།། ཞེས་བཤད་དོ།། དེ་ནས་ཡང་ཀརྨ་ཧེ་རུ་ཀས་ཀཱི་ལ་ཡ་ལ་འདི་སྐད་ཅེས
261a4 གསོལ་ཏོ།། བཅོམ་ལྡན་འདས་མགོན་པོ་ཆེན་པོ་ཁྱོད།། ཕྲིན་ལས་གང་ལགས་བཤད་དུ་གསོལ།། བདག་གཞན་ལས་གཉིས་བཤད་དུ་གསོལ།། སྔོན་གྱི་ལས་དང་གཞུང་གི་ལས།། དགུག་དང་བཅིང་དང་དགྲོལ་བ
261a5 རྣམས།། ཇི་ལྟར་ལགས་པ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ཕྲིན་ལས་ཕུན་སུམ་ཚོགས་པ་ནི།། ཐོག་མ་ཉིད་དུ་བརྟག་པའི་ས་རྙེད་ནས། བགེགས་བསྐྲད་པ་དང་མཚམས་བཅད་པ་ལ
261a6 སོགས་པ་བྱ་སྟེ། སྐད་ཅིག་མའི་ཏིང་འཛིན་གྱིས་ཁྲོ་བོའི་སྡང་མིག་དང་། མཚོན་ཆའི་ཆར་དང་། རྡོ་རྗེ་གནོད་སྦྱིན་ལ་སོགས་པས་བགེགས་བསྐྲད་ལ། ཕུར་པ་བཅུ་ཁྲོ་བོ་བཅུར་བྱིན་གྱིས་བརླབས་ཏེ། ཕྱོགས་བཅུར
iiif viewer powered by OpenSeadragon
