| e-texts navigator |
| Wylie |
258a1 ཞེས་གསོལ་ཏོ།། བཅོམ་ལྡན་འདས་དཔལ་ཀི་ལ་ཡ་ཡི་རྒྱལ་པོས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ། རྗེའུ་ཡི་ཚིག་ནི་དེ་འདྲ་ན།། དམངས་ཀྱི་ཚིག་རྣམས་བདག་གིས་བཤད། ཞེས་གསོལ་ནས།
258a2 བཤད་པའི་རྒྱལ་པོ་འདི་བཤད་དོ།། བདག་ཉིད་ཕུན་སུམ་ཚོགས་པ་ནི། བྱང་ཆུབ་ལ་གཞོལ་ཞིང་མང་དུ་ཐོས་པ་དང་། ལས་ལ་མཁས་པ་དང་། ལྷ་ཉེ་བར་གྱུར་བ་དང་། མི་ཕྱེད་པའི་དད་པ་ཐོབ་པ་དང་། དྲག་ཅིང
258a3 ལྡོག་པ་མེད་པའི་སེམས་དང་ལྡན་པ་དང་། ཕྲག་དོག་དང་འབྲས་བུ་གཞན་ལ་རེ་བ་མི་འཇོག་པ་དང་། དམ་ཚིག་མ་ཉམས་པ་འདི་རྣམས་ནི། བདག་ཉིད་ཕུན་སུམ་ཚོགས་པ་འདི་གསུངས་སོ།། སྐུ་གསུང་ཐུགས་མི
258a4 ཟད་པ་ཀརྨ་ཀུ་རུའི་རྒྱུད་ལས། སྡོམ་དང་ཡན་ལག་ཏུ་བཅས་པའི་གཞི་ཕུན་སུམ་ཚོགས་པའི་ལེའུ་སྟེ་བརྒྱད་པའོ།། །། དེ་ནས་ཡང་བཅོམ་ལྡན་འདས་ཀྱིས། དུས་ཕུན་སུམ་ཚོགས་པ་འདི་བཤད་དོ།། ཚེས
258a5 བཅུ་བདུན་མན་ཆད་མར་གྱི་ངོ་དང་། ཉིན་མཚན་གྱི་གུང་དང་། བསྙེན་པ་ཚང་བ་དང་། རྟགས་བྱུང་བ་དང་ལ་སོགས་ཏེ། འདི་ནི་དུས་ཕུན་སུམ་ཚོགས་པའོ།། ཞེས་གསུངས་སོ།། དེ་ནས་ཡང་ཕུན་སུམ་ཚོགས་པ་འདི
258a6 བཤད་དོ།། གནས་ཕུན་སུམ་ཚོགས་པ་ནི། གནས་ཆེན་པོ་དང་། ཤིང་རྐང་གཅིག་པ་དང་། གནོད་པར་ངེས་པ་སྟེ། འདི་ནི་གནས་ཕུན་སུམ་ཚོགས་པའི་ཞེས་བཤད་དོ།། དེ་ནས་ཡང་གཟུགས་ཕུན་སུམ་ཚོགས་པ
iiif viewer powered by OpenSeadragon
