| e-texts navigator |
| Wylie |
256b1 མི་ཕམ་མ་དང་། རལ་པ་གཅིག་མ་དང་། འཕེལ་བྱེད་མ་ལ་སོགས་པའི་ཁྲོ་མོ་རྣམས་དང་། ལྷན་ཅིག་ཏུ་འཁོད་དེ་བཞུགས་པ་ལས། སྟོན་པ་དཔལ་ཀཱི་ལ་ཡས་འཁོར་རྣམས་ལ་ཡ་མཚན་སྐྱེད་པ་དང་། འདུལ་བའི
256b2 དོན་དུ་འདི་སྐད་ཅེས་བཀའ་སྩལ་ཏོ།། ཨེ་མ་ཧོ།། ཨེ་མ་ཧོ་ངོ་མཚར་ཆོས། སྐྱེ་བ་མེད་ལས་ཐམས་ཅད་སྐྱེས།། སྐྱེས་བུ་འདུལ་བའི་ཆོས་ཡིན་ཏེ།། ཞི་ཁྲོར་སྟོན་པ་ངོ་མཚར་ཆེ།། ངོ་མཚར་རྨད་དུ་བྱུང་བའི་རྒྱུད།། སྟོང
256b3 པ་ཆེན་པོའི་བྱང་ཆུབ་སེམས།། གཟུགས་རྣམས་ཉིད་ཀྱི་རྒྱུད་དུ་གྲགས། ཞེས་བཀའ་སྩལ་པས། འཁོར་རྣམས་ཡ་མཚན་སྐྱེས་ནས་འདི་སྐད་ཅེས་བཀའ་སྩལ་ཏོ།། སྟོན་པ་སངས་རྒྱས་བཅོམ་ལྡན་འདས།། གང་ཞིག
256b4 ཡིས་ཚིག་པ་ལ།། མེ་ཡིས་གསོ་བ་ཡ་མཚན་ཆེ།། གང་ཞིག་ཆུ་ཡིས་འགག་པ་ལ།། ཆུ་རྣམས་དག་གིས་དབྱུང་བར་བྱ།། དེ་ཡི་བྱིན་རླབས་ཡ་མཚན་ཆེ།། དེ་ལྟར་སྟོང་པ་ཆེན་པོ་ལ།། སྟོང་པའི་བྱ་བྱེད་ཡ་མཚན
256b5 ཆེ།། ཞི་བས་མི་འདུལ་གདུག་པ་ལ།། ཁྲོ་བོས་འདུལ་བ་ཡ་མཚན་ཆེ།། ཞེས་གསོལ་པ་དང་། གླེང་བསླང་བ་དང་། གླེང་སློང་བ་ལས། ཡ་མཚན་རྨད་དུ་བྱུང་བའི་ཆོས་དུ་མས་མ་འོངས་པ་ཐམས་ཅད་ཡིད་ཆེས་པ
256b6 དང་། འདུལ་བར་བྱེད་དང་དེ་དག་གང་དང་གང་ལམ་དུ་འཁྱེར་བ་དང་། ཆོས་ཐམས་ཅད་རང་བཞིན་གྱིས་ཡེ་ནས་སངས་རྒྱས་པ་ལ། ཀུན་རྫོབ་ཏུ་གང་ལྟར་འདུལ་བའི་ཆོས་ལ་ཇི་ལྟར་ངོ་མཚར་རྨད་དུ་བྱུང་བ་ལྟར།།
iiif viewer powered by OpenSeadragon
