| e-texts navigator |
| Wylie |
256a1 བྱ།། བྱང་ཆུབ་སེམས་ཕེབས་བླ་མ་སྟེ།། རྩ་དང་རླུང་གི་ལས་ཤེས་ན།། དགའ་བ་བཞི་ཡང་བརྟེན་པར་བྱ།། ས་དང་ཆུ་དང་མེ་དང་རླུང་།། དྲོད་ལ་ཕེབས་དང་བྱང་ཆུབ་སེམས།། གནས་བཞི་དག་ཏུ་ཟིན
256a2 པར་བྱ།། དེ་ནས་ཕྲ་མོའི་ཐིག་ལེ་དང་།། ན་དའི་རྟགས་དག་བྱུང་བ་ན།། བྱང་ཆུབ་སེམས་ཀྱི་བལྟ་བར་བྱ།། དེ་ལྟར་རྟགས་དག་བྱུང་བ་ན།། སྨིག་སྤུ་སྲིན་བུ་མེ་ཁྱེར་དང་།། དུ་བ་ལྟ་བུ་མཐོང་བར་བྱ།། དེ་བཞིན
256a3 གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་ཀརྨ་ཀུ་རུའི་རྒྱུད་ལས། སྙིང་པོ་སྔགས་དང་སྤྱོད་པ་དང་གསང་བའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་གསང་བའི་བདག་པོ་དགྱེས་པ་ཆེན་པོ
256a4 དེ་བཞིན་རྣམ་པར་ཟློག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞི་བ་ལས་ཁྲོ་བོའི་ངང་ཚུལ་དུ་བཞེངས་ནས། སྐུ་འབར་བ་ལས་དྲག་པོའི་ཆས་ཀྱིས་ཀུན་ཏུ་བརྒྱན་ནས། ཧ་ཧ་དང་ཧཱུཾ་ཧཱུཾ་དང་། བྷྱོ
256a5 དང་རུ་ལུ་ལ་སོགས་པའི་སྒྲས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཐུགས་ཀའི་འོད་ཟེར་གྱིས་བཀང་ནས། འགྲོ་བའི་དོན་བྱས་སླར་འདུས་པ་ལས། འདུས་མ་ཐག་ཏུ་འཁོར་གྱི་གཙོ་བོ་ཁྲོ་བོ་དང
256a6 ཁྲོ་མོ་ལ་སོགས་པ་རིགས་ཀྱི་ལྷ་མོ་དུ་མ་དང་། སྟག་དང་། ཁྱི་དང་། སྤྱང་ཀི་དང་། ཝ་དང་། ཅེ་སྤྱང་དང་། དེ་ལ་སོགས་ཏེ་ཡེ་ཤེས་ལས་གྲུབ་པའི་དུར་བྱ་སྣ་ཚོགས་པ་དང་། གཞན་ཡང་ཡེ་ཤེས་ཀྱི་མ་མོ་ཆེན་མོ་ཁྲོ་མོ
iiif viewer powered by OpenSeadragon
