| e-texts navigator |
| Wylie |
254b1 ལས་མྱ་ངན་འདས།། ཡོད་པ་མ་ཡིན་མེད་པ་མིན།། བདག་ལས་སྐྱེ་བ་མེད་པས་ནུས།། གཞན་ལས་སྐྱེ་བ་ག་ལ་ཡོད།། དེ་ལྟར་དངོས་པོ་དངོས་མེད་པས།། བསྒོམ་པར་བྱ་བ་ཡོད་མ་ཡིན།། དེ་ཉིད་རྣམ་པར་ཐར
254b2 པའོ།། དེ་ཉིད་ཀྱི་ནི་རང་བཞིན་ནི།། རྒྱུ་ལས་འབྲས་བུས་རྒྱས་མ་བཏབ།། ངོ་བོ་ཉིད་ཀྱིས་མ་སྐྱེས་པས།། སྟོང་པ་ཉིད་ཀྱི་རྣམ་ཐར་རོ།། རྒྱུ་དང་རྐྱེན་གྱིས་མ་བསྐྱེད་པས།། འབྲས་བུ་རང་ཉིད་མི་སྐྱེ་བས།། སྨོན་པར
254b3 བྱ་བའི་ངེས་འབྲེལ་ཏེ།། སྨིན་པར་བྱ་བའི་རྣམ་ཐར་རོ།། དེ་ཉིད་ཟིལ་གྱིས་གནོན་པ་ནི། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ&ཧཾ། ཡང་དག་དོན་དུ་བསྒོམ་པ་ནི། དོན་དམ་པ་ཡི་སེམས་བསྐྱེད་ལ།། འགྲོ་བའི
254b4 དོན་གྱིས་སངས་རྒྱས་བསྐྱེད།། དེ་ནས་ཀུན་རྫོབ་བདེན་པ་དེ།། ཀུན་རྫོབ་པར་ཡང་སེམས་བསྐྱེད་དེ།། བྱམས་དང་སྙིང་རྗེ་ལ་སོགས་བྱ།། སྟོང་པ་ཉིད་ཀྱི་ཡེ་ཤེས་ནི།། འགྲོ་བ་རྣམས་ཀྱིས་དོན་མི་མཐོང་།། དེ་ལ་ཚད
254b5 མེད་བཞི་པོ་བསྟན།། དེ་ནི་ཐེག་པའི་རང་བཞིན་ཏེ།། ཐེག་པའི་ནང་ནས་ཆེན་པོར་གྲགས།། འབྲེལ་པར་བྱེད་པ་གང་བསྒྲུབ་པ།། ཤེས་རབ་སྙིང་རྗེ་ལྡན་པའོ།། དུག་གསུམ་ལྔ་ཡི་རང་བཞིན་གྱིས།། གང་རྣམས་སྡུག
254b6 བསྔལ་ཉེན་པ་ལ།། འདོད་པའི་དོན་གྱི་སྙིང་རྗེ་འབྱུང་།། སྒྲུབ་པར་འདོད་པ་བྱམས་པ་སྟེ།། ཀུན་གྱི་དོན་བྱེད་བྱམས་པ་ཡིན།། དགའ་བ་རབ་ཏུ་དགའ་བ་སྟེ།། དོན་དམ་འདུན་པའི་འདོད་པའོ།། ཆགས་དང་ཞེ་སྡང
iiif viewer powered by OpenSeadragon
