| e-texts navigator |
| Wylie |
253b1 ཀྱི་སྡིག་པ་དང་། ཡང་དག་པར་ཤེས་རབ་ཀྱི་སྡིག་པ་དང་། ཡང་དག་པར་མཐོང་བའི་སྡིག་པ་དང་། ཡང་དག་པའི་སྡིག་པ་མ་ཡིན་པའི་སྡིག་པ་ཐམས་ཅད་ནི། ཤེས་བཞིན་མ་ཡིན་པའི་སྡིག་པ་སྟེ་ཡང་དག་པར་སྤང
253b2 བར་བྱའོ།། ཞེས་གསུངས་སོ།། དེ་བཞིན་གཤེགས་པའི་སངས་རྒྱས་བཅོམ་ལྡན་འདས་དེ། ཐམས་ཅད་མཁྱེན་པའི་ཡེ་ཤེས་མངའ་བ་དེ་ཐོབ་པར་བྱ་བའི་དོན་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ
253b3 གསུང་ཐུགས་འདུས་པ། ཀརྨ་ཀུ་རུའི་རྒྱུད་ལས། དེ་བཞིན་མ་ཡིན་པའི་སྡིག་པའི་འཁོར་ལོར་བཤད་པའི་ལེའུ་སྟེ་གསུམ་པའོ།། །། དེ་ནས་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
253b4 པའི་སངས་རྒྱས་བཅོམ་ལྡན་འདས། ཐམས་ཅད་མཁྱེན་པའི་ཡེ་ཤེས་དང་ལྡན་པ་དགའ་བའི་མཆོག་དེས། དཔལ་གདེང་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། ཡང་དག་པར་འདི
253b5 སུངས་སོ།། དཔལ་ཆེན་པོ་སྦྱིན་པའི་གདེང་དང་དཔལ་ཆེན་པོ་བརྩོན་འགྲུས་ཀྱི་གདེང་དང་། དཔལ་ཆེན་པོ་བསམ་གཏན་གྱི་གདེང་དང་། དཔལ་ཆེན་པོ་ཤེས་རབ་ཀྱི་གདེང་དང་། དཔལ་ཆེན་པོ་བཟོད་པའི
253b6 གདེང་དང་། དཔལ་ཆེན་པོ་ཚུལ་ཁྲིས་ཀྱི་གདེང་དང་། དཔལ་ཆེན་པོ་སྙིང་རྗེའི་གདེང་དང་། དཔལ་ཆེན་པོ་སྟོབས་ཀྱི་གདེང་དང་། དཔལ་ཆེན་པོ་ཏིང་ངེ་འཛིན་གྱི་གདེང་དང་། དཔལ་ཆེན་པོ་སྤྱོད་པའི་གདེང་དང་།
iiif viewer powered by OpenSeadragon
