| e-texts navigator |
| Wylie |
252b1 པར་གཡོགས་པར་བསྒོམ།། ལས་ཀྱི་ཕྱག་རྒྱ་དེ་ཡིས་ནི།། ཞེ་སྡང་གཏི་མུག་འདོད་ཆགས་དང་།། ང་རྒྱལ་ཕྲག་དོག་མཆོད་པའོ།། སྐུ་གསུང་ཐུགས་ཀྱི་བྱིན་རླབས་ལས།། ཡོན་ཏན་ཕྲིན་ལས་རྣམས་ཀྱིས
252b2 བརྒྱན།། བགེགས་རྣམས་རྣམ་པར་ཚིག་པར་གྱུར།། མེ་དཔུང་རྒྱལ་པོའི་བྱིན་རླབས་ཀྱིས།། མྱོས་ཤིང་འགྱེལ་བུབ་འབྲོས་པར་འགྱུར།། བ་མོའི་མདོག་དང་མཚུངས་པ་ལ།། རྡོ་རྗེ་ལ་སོགས་གུར་ལྔར་གསལ།། གུར
252b3 དང་ས་གཞི་བླ་རེ་དང་།། རྒྱལ་མཚན་བ་དན་རྩིག་པར་བཅས།། དཀའ་དང་བཀའ་ཡི་མཚམས་རྣམས་ནི།། ཐུན་མོང་དབང་ཆེན་མཚམས་རྣམས་དང་།། ཐུན་མོང་མ་ཡིན་བཀའ་ཡི་མཚམས།། རྟེན་དང་བརྟེན་པའི
252b4 དཀྱིལ་འཁོར་ནི།། ཡི་གེ་ཧཱུཾ་ལས་བསྐྱེད་པར་བྱ།། དེ་ལས་ཨ་རྣམས་སྤྲོ་ཞིང་བསྡུ།། རླུང་གི་དཀྱིལ་འཁོར་བ་དན་འཕྱར།། དེ་བཞིན་རྒྱུ་དང་འབྲས་བུ་གཉིས།། གཅིག་ལ་གཅིག་བརྟེན་རྒྱུ་འབྲས་ཚུལ།། དེ་ཡི་སྟེང་དུ
252b5 ཡི་གེ་ཨོཾ།། རྡོ་རྗེ་གཉིས་དང་ཡང་དག་ལྡན།། དེ་ཡི་སྟེང་དུ་ཡི་གེ་རཾ།། དབྱིབས་དང་ཁ་དོག་རྡོ་རྗེས་མཚན།། དེ་ཡི་སྟེང་ན་ཡི་གེ་ཨཾ།། དབྱིབས་དང་རྡོ་རྗེ་གཉིས་དང་ལྡན།། དེ་ཡི་སྟེང་ན་ཡི་གེ་བཾ།། བ་མོའི་མདོག་ལ
252b6 བུམ་པས་བརྒྱན།། དེ་ཡི་སྟེང་ན་ཡི་གེ་ཧཱུཾ།། རྡོ་རྗེ་གཉིས་དང་ཡང་དག་ལྡན།། དེ་ཡི་སྟེང་ན་ཡི་གེ་སུཾ། ཁ་དོག་དབྱིབས་ཅན་གྲུ་བཞིར་གནས།། དེ་ཡི་སྟེང་དུ་ཡི་གེ་ཡཾ།། རྡོ་རྗེ་གཉིས་དང་ཡང་དག་ལྡན།། དེ་ཡི་སྟེང་དུ
iiif viewer powered by OpenSeadragon
