| e-texts navigator |
| Wylie |
251a1 སོའི་མདོག་དང་ལག་ཆ་ཡིས་བརྒྱན་པའི་དཀྱིལ་འཁོར་རྫོགས་པའོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་འདུས་པ་རྡོ་རྗེ་ཕྲིན་ལས་ཕུན་སུམ་ཚོགས་པའི་རྒྱུད་ལས་གླེང་གཞིའི་ལེའུ
251a2 སྟེ་དང་པོའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དགའ་བའི་སྙིང་པོ་དེ། དཔའ་བོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། མཚམས་ཀྱི་དཀྱིལ་འཁོར་འདི་ལྟ་བུ
251a3 གསུངས་སོ།། ཡེ་ནས་དངོས་མེད་དངོས་པོའི་ཚོགས།། དངོས་པོར་བྱུང་བས་དངོས་པོའི་གནས།། ངོ་བོ་ཉིད་ཀྱིས་སྟོང་པ་ལ།། དངོས་པོར་བཏགས་ཀྱང་དངོས་མེད་པའོ།། ཆོས་རྣམས་ཀུན་གྱི་རང་བཞིན་ལ།། རྒྱུ་ཡི
251a4 ངོ་བོར་གསལ་བ་ལས།། གནས་བསྲུང་བ་ནི་རྣམ་པར་བསམ།། གཉིས་པ་ཡིས་ནི་རྣམ་བརྒྱན་ལས།། བཅུ་བཞི་པ་ཡི་སྤྲིན་སྟེང་དུ།། བཅོ་ལྔའི་གདན་དང་ཐིག་ལེར་བཅས།། དེ་ལས་འཁོར་ལོའི་རྩིབས་བཅུ
251a5 པ།། རིམ་པ་ཅུང་ཟད་འཁོར་བ་ལས།། ཉི་མའི་དཀྱིལ་འཁོར་མ་ནོར་བསམ།། དེ་སྟེང་པདྨ་ལྷ་ཆེན་དང་།། ཐབས་ཀྱི་དབུས་སུ་བསམ་བྱ་བ། ཁྲོ་བོ་ཞེ་སྡང་གནས་ལས་སྐྱེས།། ཞལ་གསུམ་ཕྱག་ནི་དྲུག
251a6 པའོ།། གཡས་པ་དཀར་ལ་གཡོན་པ་དམར།། རྩ་བའི་ཞལ་ནི་བུང་བ་མཚུངས།། ཕྱག་གཉིས་ཧཱུཾ་གི་རྒྱ་བཅིངས་ཏེ།། དང་པོ་རྡོ་རྗེ་དྲིལ་བུ་འཛིན།། ལྷག་མ་ཞི་བའི་ཚུལ་དུ་བྱ།། སེམས་དཔའ་གསུམ་གྱི་སྦྱོར་བ
iiif viewer powered by OpenSeadragon
